Ил Дархан Айсен Николаев Саха сиригэр федеральнай үбүлээһининэн олоххо киллэриллэр бырагыраамалары толорууга хаалыылар баалларын бэлиэтээтэ, олору хаалыыттан таһаарарга сорудахтаата.
Кини өрөспүүбүлүкэҕэ олоххо киллэриллэр федеральнай кыттыылаах кэккэ бырагыраамаларынан бүгүҥҥү күҥҥэ хаалыы баарын эттэ.
«Көрдөрүүлэри ситиһиннэрэр туһугар кылгас кэмҥэ дьоһуннаах үлэни ыытыахха наада. Бу эһиги үлэҕитин сыаналыыр сүрүн хайысха буолар«, — диэтэ Саха сирин бырабыыталыстыбатын чилиэттэригэр туһаайан Ил Дархан. Кини бу үлэҕэ эппиэттээх министиэристибэлэр, биэдэмистибэлэр икки ардыларыгар хардарыта бииргэ үлэлээһини күүһүрдэр наадатын ыйда.
Мунньах кэмигэр хас биирдии федеральнай бырагырааманы сиһилии ырыттылар. Ил Дархан болҕомтону эрэйэр кыһалҕалаах боппуруостары иһитиннэрдэ.
Сиһилии https://www.sakha.gov.ru/news/front/view/id/3363327 ааҕыҥ.