Хаартыска: SakhaGov
Ил Дархан Айсен Николаев Саха сирин Соҕуруу уонна Арҕаа өттүн гаастааһын боппуруостарыгар мунньаҕы ыытта.
«Соҕуруу уонна Арҕаа Саха сиригэр гаастааһын бырагырааматын олоххо киллэрии өрөспүүбүлүкэ сайдыытыгар улахан суолталаах. Бырагыраама нэһилиэнньэ олоҕун хаачыстыбатын биллэ тупсарарга көмөлөһүөҕэ, Алдан, Ленскэй, Нерюнгри уонна Өлүөхүмэ улуустарыгар бырамыысыланнас уонна тыа хаһаайыстыба сайдарыгар саҥа усулуобуйалары оҥоруоҕа”, — диэтэ Айсен Николаев.
Кини бырайыак экэнэмиичэскэй өттүн сөбүлэһиннэрии үлэни ситиһиилээхтик уонна түргэнник саҕалыырга сүрүн түһүмэҕинэн буоларын бэлиэтээтэ.
«Биһиги “Газпрому” кытары уопсай сорукпут – гаас туһанааччыларга муҥутуур табыгастаах буолуохтаах. Гаас сыанатыгар, нэһилиэнньэни уонна биисинэһи өйүүр механизмнары быһаарарга (ордук саҥа оттукка көһөргө) улахан үлэ ыытылынна. Тиэхиньиичэскэй боппуруостар билигин бастакы суолталаахтар”, — диэн Ил Дархан нэһилиэнньэлээх пууннарга гааһы киллэрэргэ саҥа автоматизированнай модульнай хочуолунайдарга көһүү наадатын ыйда.
«Сахатранснефтегаз» национальнай хампаанньа генеральнай дириэктэрэ Алексей Колодезников эппитинэн, үлэ былаан быһыытынан барар.
Санатан эттэххэ, 2025 сыл алтынньытыгар гаас Петербурдааҕы XIV норуоттар икки ардыларынааҕы пуорумугар Айсен Николаев уонна “Газпром” бырабылыанньатын бэрэссэдээтэлэ Алексей Миллер 2026-2030 сылларга Саха Өрөспүүбүлүкэтин гааһынан хааччыйыы уонна гаастааһын бырагырааматыгар илии баттаабыттара.
СӨ Ил Дарханын уонна бырабыыталыстыбатын пресс-сулууспата
Суол быһылаанын аҕыйатар сыалтан, Саха сирин үрдүнэн ГАИ үлэһиттэрэ тохсунньу 9 күнүгэр диэри үлэ күүһүрдүллүбүт…
Юрий Слепцов: " Бүгүн үһүс күнүн Дьокуускайга “Төрөөбүт дойду – Арассыыйа күүһэ” Бүтүн Арассыыйатааҕы III…
Саха сирин Арктическай оскуолата уонна Кытай Норуодунай Өрөспүүбүлүкэтин Цзянси провинциятын Наньчан куоратын Омук тылларын оскуолата…
Ахсынньы 21 күнүгэр Дьокуускайга «Триумф» успуорт уораҕайыгар Төрүт многоборьеҕа Федерация II Куубага ыытыллыаҕа. Күрэхтэһиигэ өрөспүүбүлүкэ …
Киэҥ далааһыннаах күрэхтэһии 2027 сыл сайыныгар Ньурба улууһугар ыытыллыаҕа, онно номнуо көхтөөх бэлэмнэнии саҕаланна. Санатан…
Ахсынньы 12 күнүгэр, Дьокуускайга Ил Дархан Айсен Николаев бэрэссэдээтэллээх эрэгийиэҥҥэ бэрээдэги уонна куттал суох буолуутун…