Хаартыска: www.sakha.gov.ru
Ил Дархан Айсен Николаев Саха сириттэн Магадаҥҥа диэри тимир суол тутуутун докумуонун бэлэмнээһини саҕалыахха диэн “Тырааныспар нэдиэлэтэ-2024” иитинэн Федерация Сэбиэтигэр Арассыыйа субъектарын транспортнай комплексын сайыннарыыга тыл этэригэр ыҥырда.
Кини этэринэн, бу, нэһилиэнньэ тырааныспарынан сырыытын үрдэтэрин таһынан, бырамыысыланнаһы сайыннарарга эмиэ кыах биэрэр.
“Аллараа Бэстээхтэн, ол эбэтэр, Дьокуускай куораттан Магадаҥҥа диэри тимир суол тутуутун докумуонун бэлэмнээһини саҕалыыр номнуо уолдьаста. Бу экэнэмиичэскэй эрэ буолбакка, геополитическай, геостратегическай, ол иһигэр дойдуга куттал суох буолуутун хааччыйыыга улахан суолталаах тырааныспар магистрала буолуоҕа” – диэн Ил Дархан эттэ.
Эрэгийиэҥҥэ олоххо киирэн эрэр тырааныспар инфраструктуратын бырайыактарын билиһиннэрэргэ өрөспүүбүлүкэҕэ уонна дойду Уһук Илин өттүгэр барытыгар стратегическай суолталааҕынан Айсен Николаев массыына сылдьар Өлүөнэ муостатын тутууну ааттаата. Муоста мультимодальнай транспортнай бырайыак быһыытынан уһулуччу суолталаах. Эбийиэк Илин Сибиири уонна Уһук Илини ситимниир, үс федеральнай, эрэгийиэн биэс суолун, Амур-Саха сирэ тимир суол магистралын, өрүс улахан пуордун уонна норуоттар икки ардыларынааҕы аэропорду ситимниэҕэ. Николаев бэлиэтииринэн, бу Саха сирэ экспорка кыаҕын күүһүрдэригэр сүҥкэн суолталаах сорук. Маныаха өрөспүүбүлүкэнэн уонна ыкса эрэгийиэннэринэн ааһар федеральнай суоллар ситимнэрин түргэнник сайдалларын хааччыйар ирдэнэр.
Ил Дархан Саха сирэ, уопсайынан Уһук Илин арыый тэтимнээхтик сайдыан, ааспыт үйэ 70-с уонна 80-с сылларыгар Сэбиэскэй Сойуус усулуобуйатыгар анаан оҥоһуллубут энергетическэй уонна транспортнай инфраструктура сайдыбатаҕа улаханнык атахтыырын бэлиэтээтэ.
Түмүккэ Айсен Николаев “Север-Юг” сырыы суолтатын эттэ. Билигин өрөспүүбүлүкэ Амур уобалаһын кытта Джалинда-Мохэ бырайыагы саҕалаан эрэр. Ол түмүгэр Кытайы кытта судаарыстыбаннай кыраныыссаны аһарар кыттыгас пуун баар буолуоҕа.
Ил Дархан уонна Бырабыыталыстыба пресс-сулууспата.
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…
Олунньу 3 күнүгэр сарсыарда эрдэ ЫБММ сүрүн управлениетыгар Мииринэй куоракка Ойуунускай уулуссаҕа турар аралдьытар киин…
Бу туһунан Судаарыстыбаннай Дума Бэрэссэдээтэлэ Вячеслав Володин иһитиннэрдэ. Ийэ хапытаалын кээмэйэ улаатта. Бастакы оҕо төрөөтөҕүнэ дьиэ…