Ил Дархан саха уустарын кытта тимир болгуону уһаарда

Бу чааска Ил Дархан Айсен Николаев Нерюнгригэ ыытылла турар Олоҥхо ыһыаҕар саха уустарын кытта тимир болгуону уһаарда.

«Мин сыл аайы Олоҥхо ыһыахтарыгар тимир уустарын кытта тимир уһаарыым үгэскэ кубулуйда. Төрдүлэрим тимир уустара. Чурапчы уустара Тааттаттан аҕалбыт тимирдэрэ кытаанах, ньыгыл эбит. Кэлиҥҥи сылларга саха тимир уустара оҥорбут быһахтара, хомустара аан дойдуга тиийэ аатырда. Өссө да бу төрүт үгэспит сайда туруоҕа диэн эрэллээхпин», — диэн бэлиэтээтэ Ил Дархан суруналыыстары кытта кэпсэтиитигэр.