Ил Дархан "Саха волонтердарын" кытары
Бу күннэргэ Ил Дархан Айсен Николаев «Саха волонтердара» хамсааһын актыыбын кытары көрүстэ. Ол туһунан кини Телеграмм-ханаалыгар суруйар.
«Кинилэр Саха сириттэн төрүттээх Москваҕа уонна Московскай уобаласка олорор дьон. Госпиталларга сытар байыастарбытыгар көмөлөһөөрү, кинилэри өйөөрү түмүстүлэр. Эмтэнэ сытар байыастарбытыгар дьиэтээҕи аһылыгы астаан, бородуукта уонна күннээҕи туттуллар малы-салы атыылаһан илдьэн биэрэллэр. Биһиги биир дойдулаахтарбыт билигин, хаһааҥҥытааҕар даҕаны, болҕомтоҕо, санаа үллэстиитигэр, доҕордуу сыһыаҥҥа, дойдуларын кытары сибээстэһиигэ наадыйаллар. Маныаха волонтердарбыт көмөлөрө олус наадалаах», — Айсен Сергеевич суруйар.
Кырдьык, байыастарбыт кинилэр көмөлөрүнэн биһиги кинилэри кытары буоларбытын, аттыларыгар баарбытын, кинилэр хорсун быһыыларын сыаналыырбытын билэллэр.
«Үтүө дьыалаҕа ис санааларыттан көмөлөһө сылдьар, аламаҕай дьоҥҥо махтанабын! Бары бииргэ буоллахпытына – биһиги кыайыахпыт!», – диэн Айсен Николаев түмүктүүр.
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…
Ыам ыйын 11 күнүгэр «Саханефтегазсбыт» АУо Усть-Кут куоракка «Петр Бекетов» бастакы суудунаҕа уматыгы тиэйэн, Ленскэй…
Саха режиссердара Степан Бурнашев уонна Дмитрий Давыдов Каннатааҕы бэстибээл чэрчитинэн ыытыллар Producers Network бырагыраамаҕа кыттыахтара.…
От ыйын 4-5 күннэригэр Нерюнгри оройуонугар аан бастаан өрөспүүбүлүкэтээҕи Олоҥхо Ыһыаҕа ыытыллыаҕа. Суолталаах тэрээһин "Ытык…
Саха сиригэр бэс ыйын 8 күнүттэн үгэскэ кубулуйбут «Северное сияние» саахымакка улахан бэстибээл саҕаланар. Ону…
Бүгүн Ньурба улууһун иһитиннэрэр-биллэрэр тиһиктэрин үлэһиттэрэ улуус салалтатын кытта көрсөн, олоҕу-дьаһаҕы сырдатыы үлэтин сүбэлэстилэр. Бу…