Хаартыска https://www.sakha.gov.ru/news/8355
Күндү салгын флотун үлэһиттэрэ уонна бэтэрээннэрэ!
Саха Өрөспүүбүлүкэтин салалтатын уонна тус бэйэм ааппыттан идэлээх бырааһынньыккытынан – Арассыыйаҕа Салгын флотун күнүнэн ис сүрэхтэн эҕэрдэбин тутуҥ! Биһиги киэҥ нэлэмэн өрөспүүбүлүкэбитигэр салгын флотун суолтата муҥура суох улахан. Саха сирин ыраах нэһилиэктэригэр авиация – соҕотох тырааныспар ситимэ буолар. Эһиги сыралаах үлэҕит түһүгэр өрөспүүбүлүкэ олохтоохторо тыһыынчанан биэрэстэни түргэнник уонна табыгастаахтык туорууллар, куораттарга уонна бөһүөлэктэргэ кэмигэр эмтэр, ас-үөл уонна табаардар тиэрдиллэллэр. Эһиги суһал санитарнай сорудахтары толорон, дьон олоҕун быыһыыгыт, айылҕаны харыстыыр уонна баһаары утары үлэлэргэ кыттаҕыт. Бүгүҥҥү күҥҥэ өрөспүүбүлүкэ авиахампаанньаларын маршруттарын ситимэ 200-тэн тахса маршруту ааҕар, ол иһигэр эрэгийиэннэр икки ардыларынааҕы – 33, олохтоох – 185. «Якутия», «Полярные авиалинии», «АЛРОСА» эрэгийиэннээҕи авиахампаанньалар ааспыт сыл түмүгүнэн 1 мөл. 136 тыһ. пассажиры уонна 6 тыһ. тахса туонна таһаҕаһы уонна буостаны тастылар.
Авиахампаанньалар үлэлэрин биир сүрүн хайысхатынан социальнай суолталаах маршруттарынан пассажирдары таһыыны субсидиялааһын бырагыраамата буолар. Бүгүн бырагыраама өрөспүүбүлүкэ 23 улууһугар 122 маршрутунан үлэлиир. Маныаха өрөспүүбүлүкэ судаарыстыбаннай бүддьүөтүттэн 2024 сылга 1 млрд солкуобайтан тахса үп туһаайылынна. Ол 53,4 тыһыынча пассажирга чэпчэтиилээх авиабилиэттэринэн туһанар кыаҕы биэрдэ. Арҕаа дойдулар салҕанан иһэр сааҥсыйаларын уонна экэниэмикэ ыарахаттарын үрдүнэн, өрөспүүбүлүкэ авиахампаанньаларын билиҥҥи туруга бигэ диэн сыаналанар. Бүгүн өрөспүүбүлүкэ аэропортарын ситимэ Арассыыйаҕа саамай улахан буолар уонна сыл аайы 2 мөлүйүөнтэн тахса пассажиры өҥөнөн хааччыйар 32 аэропортан турар.
Дойду Бэрэсидьиэнэ Владимир Владимирович Путин көҕүлээбит «Магистральнай инфраструктураны комплекснайдык саҥардыы уонна кэҥэтии былаана» национальнай бырайыак «Эрэгийиэннээҕи аэропортары сайыннарыы» федеральнай бырайыага олоххо киириитин түмүгэр өрөспүүбүлүкэ 11 аэропордун – Дьокуускай, Черскэй, Эдьигээн, Хаандыга, Үрүҥ Хайа, Үөһээ Бүлүү, Бүлүү, Депутатскай, Сангаар, Нерюнгри, Уус Ньара – саҥардан оҥоруута түмүктэннэ.
Быйылгыттан бу үлэ «Тирэх аэродромнар ситимнэрин сайыннарыы» саҥа федеральнай бырайыак чэрчитинэн салҕанар. Онно Маҕан, Ньурба, Зырянка аэропорттарын уонна Полярнай аэропордун иккис уочаратын саҥардан оҥоруу киирдэ.
Күндү авиация салаатын үлэһиттэрэ уонна бэтэрээннэрэ!
Бу үөрүүлээх күҥҥэ үлэҕит иһин дириҥ махтал тылларын тутуҥ. Эһиэхэ чэгиэн доруобуйаны, дьолу-соргуну, үтүө туругу уонна идэҕитигэр саҥа ситиһиилэри баҕарабын! Дьиэ кэргэҥҥитигэр куруук сылаас, таптал уонна чугас дьоҥҥут өйөбүлэ баар буоллун. Бырааһынньыгынан! Арассыыйаҕа Салгын флотун күнүнэн!
Саха Өрөспүүбүлүкэтин Ил Дархана Айсен Николаев
— Халлааммыт тымныйан, бу күннэргэ хайдах эрэ күһүммүт чугаһаабыт курдук. Быйыл күһүн хантан эмэ убаһа ылан…
Бүгүн, атырдьах ыйын 17 күнүгэр, киэһэ 17:45 чааска Чурапчы улууһугар Одьулуун нэһилиэгин 1945 сыллаах төрүөх…
1917 сыл атырдьах ыйыгар Танда-Бахсы (Чурапчы улууһун Кытаанах нэһилиэгэ) дьадаҥы ыалыгар Максимовтарга төрдүс, оһоҕос түгэҕинээҕи соҕотох…
“Сотору бөх тоҕор баахтар аттыларыгар минньигэс бэйэлээх тэллэйдэр төкүнүйэ сытар буоллахтарына, улаханнык соһуйуом суоҕа” диэн…
Дьокуускайга атырдьах ыйын 17 күнүгэр оҕунан ытыыга өрөспүүбүлүкэ чемпионата чөмпүйэнээтэ түмүктэннэ. Күрэхтэһии түмүгүнэн Арассыыйа Куубагар…
— Кыбартыыраны бас билээччигэ салайар хампаанньа (УК) өҥөтүн төлөбүрэ ааҕыллыытыгар ханнык иэн туһанылларый? Ыйытыыга СӨ Дьиэни-уоту…