Хаартыска: Сахагов.ру
Ил Дархан Айсен Николаев муниципальнай оройуоннар саҥа талыллыбыт баһылыктарын кытта оробуочай көрсүһүүнү ыытта. Быыбарга кыайыыларынан эҕэрдэлээтэ уонна хас биирдиилэрэ олохтоохтор итэҕэллэрин ылбыттарын, ол аата улуустарын сайыннарыыга улахан эппиэтинэстээхтэрин санатта.
«Өссө төгүл эһигини, өрөспүүбүлүкэбит муниципальнай оройуоннарын саҥа талыллыбыт баһылыктарын эҕэрдэлиибин. Эһиги бары быыбар хампаанньатын ааспыккыт: сорохторго айдааннаах, сорохторго быдан эйэлээх, ол гынан баран, хас биирдиигит норуот итэҕэлин ылбыккыт. Билигин, сүрүн соругунан ол итэҕэли дакаастыыр, бэйэҕит анаммыт дойдугут сайдыытын туһугар үлэлэһии, социальнай-экономическай үүнүүтүн хааччыйыы уонна быыбардыыр бырагыраамаларгытын олоххо киллэрии буолар», — диэн эттэ.
Уус Алдан баһылыга Василий Алексеев тыа хаһаайыстыбатыгар, дьиэ-уот, хомунаалынай хаһаайыстыба, социальнай эбийиэктэри тутууга, тырааныспар систиэмэтин сайыннарыыга соруктары быһаарыахтаах.
Үһүс төгүлүн талыллыбыт Сунтаар улууһун баһылыга Анатолий Григорьев салгыы тыа хаһаайыстыбатын күүһүрдэн, социальнай эбийиэктэри тутууга болҕомтону ууран, тутуу матырыйаалларын оҥорон таһаарыыны уонна бырамыысыланнаска каадырдары бэлэмнээһини сайыннарыан наада.
Хаҥалас улууһугар саҥа баһылыгынан талыллыбыт Сергей Гребневка 2029 сыллааҕы «Манчаары» оонньууларыгар бэлэмнэнии уонна аныгы спортивнай инфраструктураны тутуу биир сүрүн соругунан буолуоҕа.
Иван Саввинов баһылыктаах Өлөөн эбэҥки национальнай улууһугар араас салааҕа наадалаах сэдэх металлардаах Томтор сир баайын хостуур тэрилтэни сайыннарыы, сүрүн инвестиционнай бырайыагы олоххо киллэрии ураты суолталаах. Манна оройуон, өрөспүүбүлүкэ, хампаанньалар ыкса үлэлэһиилэрэ ирдэнэр.
Айсен Николаев анал байыаннай дьайыыга кыттааччылары өйөөһүҥҥэ уонна кинилэр дьиэ кэргэттэрин туһугар кыһаллыыга ураты болҕомтону уурда. Кини муниципальнай хамаандаларга социальнай боппуруостар бастакы миэстэҕэ хаалыахтаахтарын эттэ.
Ил Дархан саҥа баһылыктар күүстээх салайар хамаандалары тэрийиэхтэрэ, биллэр-көстөр түмүктэри ситиһиэхтэрэ диэн эрэнэрин биллэрдэ. «Биир хамаанда быһыытынан элбэҕи ситиһиэхпит диэн бигэ эрэллээхпин. Биллэн турар, боппуруостар элбэх уонна араас буолуохтара, ол эрээри эһиэхэ быыбардааччылар итэҕэллэрэ эрдэттэн баар, бу эһиги үлэҕитигэр сүрүн тирэх буолар», — диэн бэлиэтээтэ.
Сиһилии: https://www.sakha.gov.ru/news/12739
СӨ Ил Дархана Айсен Николаев Олохтоох салайыныыны сайыннарыы Бүтүн Арассыыйатааҕы Ассоциациятын (ВАРМСУ) VIII сийиэһигэр Үрдүкү…
Дьокуускайга ахсынньы 21 күнүгэр диэри ГАИ патруллара күүһүрдүллүбүт эрэсиимнээх үлэҕэ көстүлэр. Сүрүн төрүөтэ – 11…
Михаил Варламов саха профессиональнай боксатын устуоруйатыгар аан бастаан Азия чөмпүйүөнүнэн буолла. Саха күрэсчитэ уон раундтаах…
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан бэнидиэнньиккэ, ахсынньы 8 күнүгэр,…
Госдууума дьокутааттара страховой биэнсийэҕэ сыл аайы эбии төлөбүрү олохтуур туһунан этии киллэрдилэр. Уларытыылары "Страховой биэнсийэлэр…
Бүгүн, ахсынньы 8 күнүгэр, Дьокуускай куоракка былааннаммыт суһал өрөмүөн үлэлэрэ ыытыллалларынан, сорох аадырыстарга быстах кэмҥэ…