Хаартыскаҕа Андрей Сорокин түһэриитэ, СИА
Ил Дархан Айсен Николаев СӨ Бочуоттаах олохтооҕун Егор Ларионовы кытары өрөспүүбүлүкэ, чуолаан Нам улууһун социальнай-экэнэмиичэскэй сайдыытын туһунан кэпсэттэ.
Айсен Николаев РФ Бэрэсидьиэнэ В.Путин туруорбут тутаах соруктарын өрөспүүбүлүкэҕэ киллэриигэ тохтоото. Ол курдук, РФ Бэрэсидьиэнин «О национальных целях развития РФ на период до 2030 года и на перспективу до 2036 года» Ыйааҕынан кэлэр сылларга былаас органнарын үлэлэрин сүрүн хайысхалара бэлиэтэннэ.
Өрүттэр муниципальнай тэриллиилэр наадыйыыларын учуоттаан, өрөспүүбүлүкэ федеральнай бырагыраамаларга, куонкурустарга кыттыытын дьүүллэстилэр.
Егор Ларионов Ил Дархан, бырабыыталыстыба Саха сирин олоҕун хаачыстыбатын үрдэтиигэ федеральнай биэдэмистибэлэри, ол иһигэр социальнай инфраструктураны тутууга ыыппыт үлэлэрин үрдүктүк сыаналаата.
Холобур, билигин Нам улууһун киинигэр саҥа оскуола тутулла турар, эбийиэк быйыл үлэҕэ киирэрэ буоллар диэн баҕалаахтар. Ытык кырдьаҕас Нам улууһугар саамай ыраах сытар Салбаҥҥа орто оскуола тутуутун боппуруоһун көтөхтө. 2016 сылтан манна уһуйаан аһыллыбыта. Билигин манна уһуйаан 19 оҕолоох уонна 47 үөрэнээччи баара бэлиэтэнэр. 60 миэстэлээх оскуола-саад тутулуннаҕына, аныгылыы үөрэх эйгэтэ тэриллиэ.
Саха сирин Ил Дархана Егор Михайлович уопута уонна үрдүк аата-суола былааннары, бырайыактары олоххо киллэрэргэ өрүү суолталанарын бэлиэтээтэ уонна кини барыга көхтөөх кыттыытын, сүбэ-ама буоларын, өйөбүлүн иһин махтанна.
Егор Михайлович Ларионов — судаарыстыбаннай сулууспа бэтэрээнэ, СӨ норуот хаһаайыстыбатын үтүөлээх үлэһитэ, тутууга үтүөлэрин иһин М.К.Аммосов аатынан Судаарыстыбаннай бириэмийэ лауреата.
Сиһилии https://www.sakha.gov.ru/news/front/view/id/3399108 ааҕыҥ.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэритэ, СИА
Бүгүн Дьокуускай куоракка Преображенскай таҥара дьиэтигэр православнай итэҕэллээхтэр мунньустуохтара. Бу сарсыарда 10:00 чааска Ороһуоспа иннинээҕи …
Бүгүн, тохсунньу 6 күнүгэр, норуот суруйааччыта, СӨ ускуустубатын үтүөлээх диэйэтэлэ, П.А.Ойуунускай аатынан Судаарыстыбаннай бириэмийэ лауреата…
Бүгүн, тохсунньу 6 күнүгэр, Саха сирин синоптиктара кыралаан хаар түһэрин, үгүс оройуоннарынан сөҥүүтэ суох, нэһилиэктэринэн…
Быйылгы 2025 сыллаах Оһуокайбыт Аар Дархан этээччибит, сүүс сааһыгар үктэнэрэ аҕыйах сыл эрэ хаалбыт ытык…
Санаторийга сынньана ОМС полиһынан босхо барыахха сөп. Ол туһуттан терапевтан направление ылар наада диэн объясняем.рф…
Ааспыт сыл ахсынньы 10-12 күннэригэр Москваҕа «Космос» конгресс-кииҥҥэ XXXIV төгүлүн ыытыллар Бүтүн Арассыыйатааҕы үөрэнээччилэр кэмпириэнсийэлэрэ буолан…