Ил Дархан солотугар киирэр сиэрэ-туома бүгүн ыытыллыаҕа

Бүгүн, балаҕан ыйын 27 күнүгэр, Айсен Николаев Ил Дархан солотугар киирэр сиэрэ-туома ыытыллыаҕа.  

Үөрүүлээх сиэр-туом кэмигэр саҥа талыллыбыт Ил Дархан СӨ Төрүт сокуонугар олоҕуран, Саха Өрөспүүбүлүкэтин Ил Дарханын эбээһинэһин үтүө суобастаахтык толоруом, Саха Өрөспүүбүлүкэтин Конституциятын уонна сокуоннарын тутуһуом, өрөспүүбүлүкэ национальнай судаарыстыба быһыытынан анал туругун итиэннэ элбэх омуктаах норуотун интэриэһин көмүскүөм диэн Андаҕарын сахалыы уонна нууччалыы тылларынан этиэҕэ.
Санатан эттэххэ,  балаҕан ыйын  8-10 күннэригэр ыытыллыбыт быыбардар түмүктэринэн,  Айсен Николаев Саха Өрөспүүбүлүкэтин Ил Дарханынан иккис болдьоххо талыллыбыта. Киниэхэ быыбардааччылар  75,77 %  куоластарын биэрбиттэрэ.

Ил Дархан солотугар киирэр сиэрэ-туома 16:30 чаастан буолар.  Быһа эпиир «Саха» НКИХ, «Якутия 24» телеханаалларга көстүөҕэ  уонна «Тэтим» араадьыйаҕа тахсыаҕа.