Айсен Николаев ахсынньы 26 күнүгэр СӨ Ил Дарханын иһинэн Олохтоох бэйэни салайыныы сэбиэтин үлэтигэр мунньаҕы аһарыгар өрөспүүбүлүкэ бары эйгэтин сайыннарыыга сомоҕолоһууга болҕомтотун уурда.
«Биһиги билигин бары бииргэ экэниэмикэ, социальнай эйгэ туругар, нэһилиэнньэ олоҕун таһымыгар уонна куттал суох буоларыгар өрөспүүбүлүкэ олохтоохторугар хаһааҥҥытааҕар да эппиэтинэһи сүгэбит. Бу судургута суох кэмҥэ хас биирдии салайааччы, хас биирдии үлэһит дьайыыларыттан биһиги эрэгийиэммит Арассыыйа субъегын быһыытынан туруга тутулуктаах. Билигин бары бииргэ үлэлиир кэммит», -– диэн Айсен Николаев бэлиэтээн эттэ.
Ил Дархан ааһан эрэр 2022 сыл барыбытыттан күүһү түмүүнү, судургута суох уонна суһал быһаарыныылары ылыыны ирдээбитин бэлиэтээтэ.
Айсен Николаев улуус салайааччыларыгар дойдуга уустук кэмҥэ дьону түмпүттэригэр, олоҕу-дьаһаҕы хааччыйыыга, национальнай бырайыактары олоххо киллэриигэ хаалыыны таһаарбатахтарыгар, миэстэтигэр быстах хомууру тэрээһиннээхтик ыыппыттарыгар уонна байыастары, кинилэр дьиэ кэргэттэрин өйөөбүттэригэр, ону сэргэ САССР 100 сылын муниципальнай таһымҥа ыыппыттарыгар махтанна.
Ахсынньы 19 күнүгэр Айсен Николаев сыл аайы Ил Түмэҥҥэ оҥорор Анал этиитигэр үлэ-хамнас сүрүн хайысхаларын быһаарбыта. Билигин Анал этии сүрүн балаһыанньаларын олоххо киллэрии былаана оҥоһуллар. Былаас -– судаарыстыбаннай уонна муниципальнай уорганнар чопчу соруктара быһаарыллыахтара, ол быһаарыыны түргэнник ылыныы эрэйиллэр. Онуоха Ил Дархан «быһаарыылары ылыныы өр кэмнээх хаамыытыттан тахсарга, биир хамаанданан түмсүүлээхтик үлэлииргэ уонна миэстэтигэр хас биирдии пууну олоххо киллэрии сүрүн соругун чопчулуурга» ыҥырда.
Олохтоох бэйэни салайыныы управлениетын сэбиэтигэр сүрүн боппуруоһунан патриотическай уонна духуобунай майгы-сигили өттүнэн иитиини күүһүрдүү наадатын дьүүллэстилэр.Үөрэх уонна наука миниистирэ Ирина Любимова бэлиэтээбитинэн, патриотическай иитии систиэмэтигэр бары таһымнаах үөрэх тэрилтэлэрин иитэр систиэмэлэрэ, эбии үөрэхтээһин, үөрэнээччилэр Арассыыйатааҕы хамсааһыннарын былаһааккалара, «Юнармия», байыаннай-патриотическай кулууптар ситимнэрэ, көрдүүр-чинчийэр эспэдииссийэлэр киирэллэр. Билигин оҕолор уонна ыччат Арассыыйатааҕы хамсааһыннара тэриллэр, Кэтээн көрөр сэбиэти Арассыыйа бэрэсиэдьиэнэ Владимир Путин, Саха сиринээҕи отделениетын Айсен Николаев салайаллар.
Ил Дархан улуустар баһылыктарын оҕолор уонна ыччат Арассыыйатааҕы хамсааһынын олохтоох сэбиэттэрин салайарга ыҥырда. Ону таһынан үөрэх тэрилтэлэригэр «Парт Героя» аһылларыгар көмөлөһөргө сорудахтаата. Билигин маннык «Дьоруойдар парталара» Дьокуускай, Мииринэй, Уус Маайа, Томпо Бүлүү, Нам, Алдан уонна Нерюнгри улуустарын оскуолаларыгар бааллар.
Андрей Сорокин (СИА) түһэриилэрэ
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…