Хаартыска: sakha.gov.ru саайтан
Ил Дархан Айсен Николаев “Технологическай баһылааһын: биисинэс, билим уонна судаарыстыба” диэн дьыалабыай пуорумҥа кытынна.
“Дьыалабыай Арассыыйа” Арассыыйатааҕы уопсастыбаннай тэрээһин уонна “Арассыыйа инновационнай эрэгийиэннэрин Ассоциацията (АИРР) оҥорбут тэрээһиннэригэр биисинэс, билим уонна судаарыстыбаннай сектор бэрэстэбиитэллэрэ кыттыыны ыллылар диэн иһитиннэрэр Ил Дархан, бырабыыталыстыба пресс-сулууспата.
Ил Дархан этэринэн, биһиги дойдубут технологическай өттүнэн баһылааһына хаһааҥҥытааҕар да наада буолан турар кэмэ. “Хайаан да быһаарыллыахтаах кыһалҕалар, соруктар, туоруохтаах ыарахаттарбыт тустарынан аһаҕастык, чиэһинэйдик кэпсэтэрбит бары кыттааччыларга олус наада. Технологическай баһылааһыны хааччыйыы курдук сүрүн сорукпутун чуолкайдык толорорбутугар пуорум үлэлиир, бу сорук судаарыстыба, биисинэс уонна билим биир санаанан үлэлээтэхтэринэ кыаллар”, — диэн эттэ Айсен Николаев.
Тэрээһиҥҥэ РФ Бэрэсидьиэнин Дьаһалтатын салайааччытын солбуйааччыта Максим Орешкин, РФ экэнэмиичэскэй сайдыыга миниистирэ Максим Решетников, билим уонна үрдүк үөрэх миниистирэ Валерий Фальков, ону таһынан сүрүн министиэристибэлэр, биэдэмистибэлэр солбуйааччылара кыттыбыт буоланнар, технологическай баһылааһын боппуруостара бары өттүттэн көрүлүннүлэр. “Үлэһит илиини бэлэмнээһин, инновационнай сайдыы, инновационнай бырайыактары өйөөһүн боппуруостарын дьүүллэстилэр, бу сүрүн ыстаапка аһара үрдээн турар кэмигэр олус наада. Биһиги бары санаабытын эттибит, барыбытын истибиттэригэр, өйүүр миэрэлэри ылыналларыгар федеральнай былаас уорганнара туттуохтара диэн эрэнэбин”, — диэн бэлиэтээтэ Ил Дархан.
Маны таһынан кини пленарнай мунньах кэмигэр байыаннай дьайыыга анаан оҥоһуллубут технологическай оҥоһуктары кэлин олоххо-дьаһахха туттарга этии киирбитин кэпсээтэ. “Дойдубут кыайан эйэлээх олоххо төнүннэхпитинэ, бары оҥоһуулар – киһитэ суох көтөр аппарааттартан саҕалаан араас оҥоһугу барытын дьон олоҕор-дьаһаҕар туһалыырын курдук оҥоруохтара. Бу саамай сөптөөх хардыы. Оттон билигин биһиги Сахабыт сиригэр оҥоһуллубут снегоболотоходтар, уотунан барар матасыыкыллар дьоҕус эбэн биэрии кэнниттэн буойуттар тутталларыгар бэриллэллэр”, — диэн чуолкайдаата Айсен Николаев.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…