Салгыы
Ил Дархан судаарыстыбаннай наҕараадалары туттарда

Ил Дархан судаарыстыбаннай наҕараадалары туттарда

27.04.2023, 18:02
Мария Васильева хаартыската
Бөлөххө киир:

Бүгүн, Өрөспүүбүлүкэ күнүгэр, Ил Дархан Айсен Николаев  үөрүүлээх быһыыга-майгыга РФ уонна СӨ судаарыстыбаннай наҕараадаларын туттарда.

«Бүгүн саалаҕа бастыҥтан бастыҥнар муһуннулар. Эһиги  дойдубут сайдыытын, көмүскэлин иннигэр тус кылааккытын киллэрбиккит. Эһигини барыгытын дойдуга, үлэҕэ бэриниилээх буолуу ситимниир»,- диэн үөрүүлээх тэрээһин саҕалыынытыгар Ил Дархан Айсен Николаев бэлиэтээн эттэ.

Үөрүүлээх быһыыга-майгыга СӨ аҕа баһылыга судаарыстыбаннай наҕараадалары Саха сирин 44 олохтооҕор туттарда.

РФ бэрэсидьиэнин ыйааҕынан  хорсун быһыыларын иһин байыаннай дьайыы кыттыылаахтара, ол иһигэр Валентин Дегтярев, Айаал Лыткин, Валерий Шарин, Вадим Шарипов  «За отвагу» мэтээлинэн, онтон  РФ Оборуонатын миниистирин бирикээһинэн  «За боевые отличия» мэтээлинэн Тимофей Голиков уонна Афанасий Олесов наҕараадаланнылар.

Маны таһынан бу күн «Полярная звезда» уордьан Дьокуускайдааҕы көтөр фабрикатын кылаабынай зоотехник-технолога  Елена Рычковаҕа  туттарылынна. Кини быһаччы  кыттыытынан  Дьокуускайдааҕы көтөр фабриката атыы-эргиэн ырыынагар   йодунан, селенынан  байытыллыбыт сымыыты атыыга таһаарбыта,  итиэннэ Елены Рычкова үлэлиир кэмигэр предприятие сыллата оҥорон таһаарыы хаачыстыбатын тупсарбыта.

СӨ Бочуоттаах гражданина бэлиэнэн  гуманитарнай чинчийии институтун кылаабынай научнай сотруднига, филологическай наука дуоктара, профессор  Гаврил Курилов наҕараадаланна.

Бу күн наҕараадаламмыт дьон ааттарыттан харда тылы 85 саастаах  Гаврил Курилов эттэ Кини үлэ аартыгар   1949 сыллаахтан үктэммитин бэлиэтээн туран, Үлэ сылыгар бу үрдүк наҕараадаҕа тиксибитигэр махталын биллэрдэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
3 октября
  • 5°C
  • Ощущается: 2°Влажность: 86% Скорость ветра: 3 м/с

Сообщить об опечатке

Текст, который будет отправлен нашим редакторам: