Андрей Сорокин хаартыскаҕа түһэриитэ, ЯСИА
Саҥа сылы көрсө бүгүн, ахсынньы 19 күнүгэр, Ил Дархан Айсен Николаев РФ уонна Саха Өрөспүүбүлүкэтин судаарыстыбаннай наҕараадаларын туттарда.
Ааһан эрэр сылга үлэлэригэр ураты ситиһиилэрин иһин араас эйгэ бэрэстэбиитэллэрэ, элбэх оҕолоох ыаллар, байыаннай дьайыы кыттыылаахтара үрдүк наҕарааданан бэлиэтэннилэр.
—Саҥа дьыл иннинэ, үгэс курдук, биһиги Сахаларын сирэ сайдарын, албан ааттанарын, суон сурахтанарын туһугар улахан кыһамньыларын ууран үрдүк таһаарыылаахтык үлэлээбит дьоммутун чиэстиибит. Мин хас биирдиигитигэр тапталлаах өрөспүүбүлүкэҕит сайдыытыгар, Арассыыйабыт туһугар тус кылааккытын киллэрсибиккитин иһин махтанабын. Ааһан эрэр сыл барыбытыттан күүһү, тулууру ирдиирин өйдүүбүт. Саха сирин байыастара инники күөҥҥэ сылдьаллар, дойдуларын туһугар иэстэрин чисэтээхтик толороллор. Эһиги үлэҕит, эһиги ситиһиигит бу судургута суох кэмҥэ барыбыт санаабытын өрө көтөҕөр, бөҕөргөтөр, Аҕа дойдубут иннигэр бэриниилээх буолуу уонна саргыбат санааланыы холобурунан буолаллар, — диэтэ Ил Дархан.
Хорсун быһыы (Орден Мужества) уордьанынан рядовой, инженернэй батальон сапер-оператора Владимир Колесов, «За отвагу» мэтээлинэн — СӨ ыччат дьыалатын уонна социальнай алтыһыытын миниистирэ Петр Шамаев, «За храбрость» II ист. мэтээлинэн — капитан, Дьокуускайга Илиҥҥи байыаннай уокурук хантараагынан байыаннай сулууспаҕа сүүмэрдиир пуунун начаалынньыга Алексей Савин наҕараадаланнылар.
Доҕордоһуу уордьанынан СӨ наукаларын Академиятын бэрэсидьиэнэ Леонид Владимиров, «За заслуги в культуре и искусстве» уордьанынан — Былатыан Ойуунускай аатынан Саха академическай драматическай тыйаатыр дириэктэрин солбуйааччы Анатолий Николаев, Пирогов уордьанынан — өрөспүүбүлүкэтээҕи офтальмологическай килиниичэскэй балыыһа кылаабынай бырааһа Иван Луцкан, «Родительская слава» уордьанынан — Эльвира уонна Илья Строевтар (Хаҥалас улууһа) наҕараадаланнылар.
Сиһилии: https://www.sakha.gov.ru/news/17492
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ
СӨ "Оһуокай" түмсүү үтүөлээх этээччитэ, 60-ча сыл устата тохтоло суох кэрэ ырыатынан үөрдэ сылдьар Евгения…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
В.Г. Белинскэй аатынан Кыраайы үөрэтэр бибилэтиэкэ бэйэтин ааҕааччыларын айылҕаттан айдарыылаах айар куттаах дьону кытта сотору-сотору…
2025 сыл түмүгүнэн Алмазэргиэнбаан дойду үп ырыынагар бигэ тирэхтэннэ уонна Арассыыйа топ-100 баанын иһигэр киирдэ.…
Бэйэлэрин кыайан туттуммат дьоҥҥо Госдума маннык сокуону ылынна. Азартаах оонньуулартан босхолонуон баҕарар киһи бэйэтигэр бобууну…
Быйыл Саха сирин оскуолаларыгар мэдиссиинэ хосторун үлэлэрин сөргүттүлэр. Маннык үлэни саҕалыырга Ил Дархан Анал этиитэ…