Ил Дархан суол өрөмүөнүгэр үлэ барарын бэлиэтээтэ

Өрөспүүбүлүкэҕэ суол ситимин туруга, куораттар уонна нэһилиэктэр уулуссаларын, суолларын өрөмүөннээһин боппуруоһа ураты суолталаах.

Бу туһунан Ил Дархан Айсен Николаев «Россия 24» телеханаалга “Саха” ГТРК быһа эпииргэ бэлиэтээтэ.

«Суол үлэтэ биһиги баҕарарбыт курдук түргэнник буолбакка, кэминэн тиһиктээхтик ыытылла турар.  Федеральнай суоллар нормативнай туруктарын тутуһууга ураты болҕомто ууруллар. Ол курдук, “Халыма”, “Бүлүү”, “Лена” федеральнай суолларга өрөмүөн үлэтэ бара турар. Улахан ардах кэнниттэн “Халыма” суолугар өрөмүөн үлэтэ тута ыытылынна”, – диэн бэлиэтээтэ Айсен Николаев.