Хаартыска sakha.gov.ru ылылынна
Бүгүн, атырдьах ыйын 9 күнүгэр, Ил Дархан Айсен Николаев “Саха” ГТРК ханаалыгар быһа эпииргэ ыйытыыларга хоруйдаата.
Суол-иис өрөмүөнүн туһунан ыйытыыга кини кэлэр сылга Дьокуускайга 30 км. тахса суол өрөмүөннэниэҕин туһунан эттэ.
«Суол-иис өрөмүөнүгэр былаан улахан. Дьокуускайга уонна куорат тастарыгар отуттан тахса км суол оҥоһуллуо», — диэтэ кини. Маны сэргэ, Айсен Николаев Советскай Аармыйа 50 сыла уулуссаны саҥардан оҥоруу ыытыллыахтааҕын бэлиэтээтэ.
«Эһиил Кальвицаттан Бабушкин уулуссатыгар диэри үлэ былааннанар», — диэтэ кини. Маны сэргэ, Дежнев уулуссатыттан Петровскайга диэри учаастакка хапытаалынай өрөмүөн буолуохтаах. Бу «Азия оҕолоро» норуоттар икки ардыларынааҕы спортивнай оонньуулары көрсө. Үлэ тиһиктээхтик салҕанарын Строителей — Якутская учаастакка, Ярославскайтан-Богатырев уулуссатыгар диэри үлэлэр ыытыллаллара былааннанарыттан көрөбүт. Оттон Петровскайтан Сэргэлээх шоссетыгар диэри учаастакка өрөмүөн 2025 сылга былааннаммыт.
«Куттала суох айан суоллара» национальнай бырайыак иитинэн, 2019 сылтан Дьокуускайга 134 км суол ситимэ өрөмүөннэммит. Оттон Саха сиригэр национальнай бырайыак олоххо киллэриллиэҕиттэн, 920 км суол оҥоһуллубут.
СӨ Ил Дарханын уонна Бырабыыталыстыбатын пресс-сулууспата
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…