Бүгүн, тохсунньу 10 күнүгэр, Ил Дархан СӨ Роспотребнадзорун управлениетын салайааччы Маргарита Игнатьевалыын көрсөн, өрөспүүбүлүкэҕэ уопсай эпидемиологическай балаһыанньа уонна үүммүт сылга тустаах үлэ былаанын тустарынан кэпсэттилэр.
Маргарита Игнатьева өрөспүүбүлүкэҕэ санитарнай-эпидемиологическай балаһыанньа туһунан иһитиннэрэригэр, Саҥа дьыл бырааһынньыктарын иннинэ ОРВИ, кириип, коронавирус ыарыылара намтаабыттарын туһунан эттэ. Ол эрээри, үһүс чиэппэр саҕаланыыта оскуолаларга уонна нэһилиэнньэ үрдүнэн ыарыы туруута элбээбит. Роспотребнадзор Управление иһитиннэрбитинэн, ааспыт сыл ахсынньы ыйын бүтүүтэ лабораторнай мониторинг түмүгүнэн, А кириип, норуокка биллэринэн, сибиинньэ кириибэр В кириип кыттыһан дьон тэҥҥэ коронавирус дьаҥынан уонна кириибинэн ыалдьыбыт түгэнэ тахсыбыт.
Айсен Николаев СӨ Доруобуйа харыстабылын уонна Үөрэх уонна наука министиэристибэлэригэр сэрэтэр үлэлэри эрдэттэн ыытан кириип, орви ыарыылар тарҕамматтарын туһугар үлэлииллэригэр, оскуолаларга, уһуйааннарга дезинфекциялыыр тэрээһиннэри, тэрилтэлэр дьиэлэрин салгылатар туһунан, салгыны ыраастыыр миэрэни эрдэттэн тутуһары сорудахтаата.
Кини үүммүт 2023 сылга маннык соруктары туруорда. Ол курдук, 2024 сылга «Азия оҕолоро” оонньуулары тэрийиигэ эбийиэктэри бэлэмнээһиҥҥэ уонна тэрээһини ыытыыга соруктары туруорда. Маны сэргэ, клещ энцефалитын утары Нерюнгри, Алдан, Өлүөхүмэ, Ленскэй оройуоннарын нэһилиэнньэлэригэр босхо быһыыны биэрии туһунан боппуруостары кэпсэттилэр. Быһыыны туруоруу өрөспүүбүлүкэ бүддьүөтүттэн үбүлэниэ диэтэ. Бу оройуоннарга кэнники сылларга клещ дьону ытырыыта элбээбит. Маны сэргэ бу оройуоннарга клещтэн сири-уоту эмтээһин ыытыллыахтааҕын бэлиэтээтэ.
Өрөспүүбүлүкэҕэ тутулла турар социальнай эбийиэктэр үлэҕэ киириилэрин боппуруостарын туһунан кэпсэттилэр. Олор истэригэр үрдүк технологиялаах тэриллэринэн хааччыллыбыт онкологическай диспансер үлэҕэ киирэрин эмиэ таарыйдылар.
Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.…
Дойдутааҕы МАХ мессенджергэ "Госуслуги. Култуура" диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура…
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…