Ил Дархан, бырабыыталыстыба пресс-сулууспата.
Ил Дархан Айсен Николаев от ыйын 16 күнүгэр экэниэмикэҕэ, социальнай эйгэ, судаарыстыбаннай салайыыга сыыппараны киллэриини бырайыактыыр офис мунньаҕын ыытта.
Ил Дархан өрөспүүбүлүкэҕэ сыыппара технологияларын салгыы киллэрии, сайыннарыы улахан суолталааҕын тоһоҕолоон бэлиэтээтэ.
“Цифровой трансформация эйгэтигэр стратегияны саҥардыыга саҥа ньымалары уонна кыһалҕалары быһаарыахха наада. Итини тэҥэ, бырабыыталыстыба уорганнара уонна экэниэмикэ салаалара сыыппара өттүнэн сиппит-хоппут таһымнарын быһаарарга соторутааҕыта ыытыллыбыт диагностика түмүгэр тирэҕириэххэ наада», — диэн бэлиэтээтэ.
Айсен Николаев этэринэн, кини бырайыактыыр офис саҥа тутулун бигэргэтэн, сыыппара трансформациятын салайааччытынан бырабыыталыстыба бэрэссэдээтэлин солбуйааччы Анатолий Семеновы анаата.
Өрөспүүбүлүкэ баһылыга этэринэн, экэниэмикэ, социальнай эйгэ уонна судаарыстыбаннай салайыы цифровой трансформацията дааннайдарга олоҕурбут салайыыны, оҥоһуу өйү уонна географическай информационнай технологиялары киллэрии нөҥүө ситиһиллэр кыахтаах. Айсен Николаев бу манна улуустарга каадырдары бэлэмнээһин боппуруостарыгар ураты болҕомтотун уурда.
Мунньахха «Азия оҕолоро» VIII сайыҥҥы норуоттар икки ардыларынааҕы спортивнай оонньуу кэмигэр бэрэбиэркэлэммит, араас түбэлтэлэри салайар систиэмэ уопута бэлиэтэннэ.
Ол курдук, маннык улахан тэрээһин кэмигэр аан бастаан балаһыанньаны онлайн-мониторинг көмөтүнэн тэрийэр кэмитиэт, мэдиссиинэ тэрилтэлэрэ, быраабы араҥаччылыыр уорганнар көрө-истэ олордулар. Түргэтэтиллибит маршрутизация көмөтүнэн, бары түбэлтэлэр түргэнник быһаарыллыбыттара.
Бырайыактыыр офис мунньаҕын түмүктээн, Айсен Николаев сэтинньи 1 күнүгэр диэри экэниэмикэ, социальнай эйгэ уонна судаарыстыбаннай салайыы салааларын сыыппара эйгэтигэр саҥардыллыбыт Стратегияны бэлэмнииргэ, ону тэҥэ, саҥа систиэмэни кэҥэтэргэ сорудахтаата.
Ил Дархан, бырабыыталыстыба пресс-сулууспата.
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…