СИА хаартыската
Ил Дархан Айсен Николаев үлэтинэн Тааттаҕа сылдьан, байыаннай дьайыы кыттыылааҕын дьонугар сырытта.
Байыас Николай дойдутугар бульдозериһынан үлэлээбит. 2022 сыллаахха алтынньыга мобилизациянан барбыт. Ийэ дойдутун Николай чиэстээхтик көмүскүү сылдьар. Кинини дьиэтигэр төрөппүттэрэ, кэргэнэ, икки кыыһа, уола күүтэллэр.
Айсен Николаев байыас дьонун-сэргэтин кытта көрсөн кэпсэттэ, хайдах олороллорун билистэ, көрүллэр төлөбүрү ылбыттарын уонна көмөнү, өйөбүлү оҥоруу туһунан ыйыталаста. Байыас дьоно туох баар көмөнү, өйөбүлү кэмигэр туһаналларын эттилэр. Улуус салалтата эмиэ өйөбүлү оҥорорун бэлиэтээтилэр.
«Кэргэним кэмиттэн-кэмигэр сибээскэ тахсар. Биллэн турар, сулууспа туһунан кэпсээбэт. Өйөбүл, көмө туһунан кэпсиир. Былырыын уонна быйыл уоппускатыгар кэлэ сылдьыбыта. Биһиэхэ аймахтарбытын сэргэ, олохтоох дьаһалта, тэрилтэлэрбит көмөлөһөллөр. Кыргыттарым туһа дьоно, дьиэҕэ-уокка көмөлөһөн үөрдэллэр. Аҕабытын күүтэбит«, — диир Николай кэргэнэ.
Кини оҕолорун ситиһиилэрин, дьиэ туттар баҕалаахтарын кэпсээтэ, улуус киинигэр саҥа поликлиникаламмыттара туһалааҕын, онтон үөрэрин биллэрдэ.
Көрсүһүү кэмигэр Айсен Николаев:
«Биһиги эһиги уолгутунан, кэргэҥҥинэн киэн туттабыт. Байыастар дьонноругар көмөлөһүү — биһиги эбээһинэспит уонна бастакынан турар сыалбыт-сорукпут. Дьоҥҥут-сэргэҕит, олохтоох салалта өйөбүл буолара олус наада. Биһиги бу көрсөн кэпсэтиибит наадалаах, тоҕо диэтэххэ байыастары кытары көрсүһүүгэ, социальнай өйөбүл туһунан көрөн туран аһаҕастык этэ үөрэммэтэхтэр«, — диэн бэлиэтиир Ил Дархан.
РФ Бэрэсидьиэнэ Владимир Путин байыаннай дьайыы кыттыылаахтарын уонна кинилэр дьиэ кэргэттэрин өйүүр туһунан хаста да бэлиэтээн турар. Саха сиригэр өйөбүл 28 миэрэтэ көрүллэр. Үрдүкү салалта, олохтоох салалта, «Аҕа дойдуну көмүскээччиэр» пуонда филиала, өрөспүүбүлүкэ тэрилтэлэрэ күүс-көмө буолаллар. Уопсастыбаннас уонна волонтердар тиһиктээхтик көмөлөһөллөр.
СӨ Ил Дарханын уонна Бырабыыталыстыбатын пресс-сулууспата
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…