Ил Дархан Тааттаҕа тыа хаһаайыстыбатын боппуруостарыгар сүбэ мунньах ыытта

Бүгүн, от ыйын 9  күнүгэр, Ытык Күөлгэ Ил Дархан Айсен Николаев улуус баһылыктарын кытары тыа хаһаайыстыбатын боппуруостарыгар сүбэ мунньах ыытта.

-Бу миэхэ олус суолталаах кэпсэтии. Хас биирдии сыыппара ахсын биһиги туруу үлэһиттэрбит үлэлэрэ, төрөөбүт дойдуларыгар харыстабыллаахтык сыһыаннаһыыларын бэлиэтэ турар. Бүгүн үлэ түмүктэрин,  тирээн турар боппуруостары кэпсэттибит. Бу сыл бастакы аҥаарын түмүгүнэн, 25 тыһ. т кэриҥэ үүт соҕотуопкаламмыт. Бу ааспыт сыл көрдөрүүтүнээҕэр  15%  элбэх. Билигин оттооһун саҕаланна. Бу сылга аграрийдар  435 тыһ. т тахса оту, 13 тыһ. т тахса  сенаһы, 24 тыһ. т сиилэһи соҕотуопкалыахтаахтар.

Саҥа боломуочуйалар оройуоннарга көмөлөһөллөрүн көрөбүн.   Муниципалитеттар тыа хаһаайыстыбатын дьоҕус эбийиэктэрин туталлар, инвестицияны тардаллар, — диэн Ил Дархан телеграм ханаалыгар бэлиэтээн суруйда.