Андрей Сорокин хаартыскаҕа түһэриитэ, СИА
Эрэгийиэннэр икки ардыларыгар бииргэ үлэлээһини кэҥэтии боппуруостарын СӨ Ил Дархана Айсен Николаев уонна Татарстан Бырабыыталыстыбатын бэрэссэдээтэлин солбуйааччы, Татардар Аан дойдутааҕы конгресстарын национальнай сэбиэтин бэрэссэдээтэлэ Василь Шайхразиевтыын дьүүллэстилэр.
Өрүттэр Саха сирин уонна Татарстан тэрилтэлэрэ экэниэмикэ өттүнэн бииргэ үлэлииллэрин бэлиэтээтилэр. Үөрэҕи, култуураны уонна успуорду киллэрэн туран. ИТ-технология, пилота суох көтөр аппарааттар, социальнай эйгэҕэ искусственнай интеллект курдук хайысхалар кэскиллээхтэрин ыйдылар.
Көрсүһүүгэ Дьокуускайга бэс ыйын 13-14 күннэригэр ыытыллар федеральнай Сабантуй туһунан кэпсэттилэр. Василь Шайхразиевка Саха сирин олохтоохторо национальнай оонньууларга кыттыахтарын сөбүн эттэ.
Федеральнай Сабантуй сыл аайы Арассыыйа эрэгийиэннэриттэн биирдэстэригэр ыытыллар. 2001 с. бастакы бэстибээл Саратовка, 2023 с. — Кемеровскай уобаласка, былырыын — Марий Элгэ буолбута.
2021 с. Татарстаҥҥа Саха сирин күннэригэр Ил Дархан Айсен Николаев уонна Татарстан Өрөспүүбүлүкэтин Бэрэсидьиэнэ Рустам Минниханов бииргэ үлэлииргэ сөбүлэһии түһэрсибиттэрэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин түһэриитэ
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…