Мария Васильева хаартыскаҕа түһэриитэ
Саха сиригэр кэнники кэмҥэ оҥоһуллар тимир уустарын өйүүр дьаһаллар ыччаты норуот үгэстэринэн дьарыктанар кыаҕы биэрэллэр. Бу туһунан тимир ууһа Егор Федоров Ил Дархан Айсен Николаев Бүлүү куоратыгар сырыытыгар көрсөн кэпсээтэ.
Бу туһунан СӨ Бырабыыталыстыбатын пресс-сулууспата иһитиннэрэр.
Егор Петрович Федоров Дьокуускай куоракка төрөөбүт уонна улааппыт. 2016 с. тимиринэн дьарыктанан саҕалаабыт, аатырбыт «Чап» уустарын сыдьааннарыгар Үөһээ Бүлүүгэ тимири уһаарарга үөрэммит, быһах, батыйа оҥорор, хомус охсор буолбут.
Билигин өрөспүүбүлүкэ атын тимир уустарын курдук Егор Федоров байыастарга быһах оҥорор. Санатар буоллахха, Айсен Николаев көҕүлээһининэн Саха сириттэн сылдьар байыастарга, сүргэлэрин көтөҕөргө быһах туттарыллар.
Аатырбыт тимир ууһа, элбэх куонкурус лауреата уонна кыайыылааҕа Ил Дархаҥҥа бэйэтин үлэлэрин уонна оҥоһуктары оҥорор технологияларын көрдөрдө. Айсен Николаев саха быһаҕын охсуутугар кытынна.
Тимир ууһа дьиэтин тиэргэнигэр икки этээстээх мастарыскыайы туттан, үлэлииргэ анаан оҥостубут. Кини манна саҥа саҕалаан эрэр тимир уустарыгар маастар-кылаастары ыытар. Уус этэринэн, былыргы ураты ньыманы олус интэриэһиргииллэр эбит.
«Эн бэйэҥ дьарыгыккынан ыччакка өбүгэлэрбит үгэстэрин уонна сыаннастарын тириэрдэриҥ олус улахан суолталаах. Ааспыт сылга ыытыллыбыт Олоҥхо ыһыаҕар мин бэйэм өбүгэлэрим – тимир уустарын дойдуларыгар Кэнтик нэһилиэгэр бу былыргы ускуустубаны кытары билсибитим. Олус долгутуулаах этэ», — диэн Айсен Николаев эттэ.
Егор Федоров ыччаты норуоппут былыргы үгэс буолбут дьарыгар уһуйар кыаҕы өйүүллэригэр уонна норуот төрүт дьарыгар болҕомто уурулларыгар махтанар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…