Хаартыскаҕа Андрей Сорокин түһэриитэ, СИА
Ил Дархан Айсен Николаев тутуу хаамыытын билистэ. Тутуу 50 бырыһыан бэлэм. Эбийиэги 2026 с. атырдьах ыйыгар түмүктээн туттарар былааннаахтар.
Бу комплекс Жатайга тутулла турар. Этиллэринэн, 1 040 оҕо хабыллыахтаах. Манна уһуйаан, дьоҕус, улахан оскуола, успуорт уонна култуура комплекса, маны сэргэ оҕолору иитэ ылбыт дьиэ кэргэттэргэ дьиэ тутуллар. Эбийиэк «Новый дом» инбэлииттэргэ, тулаайахтарга уонна ыарахан туруктаах ыарыһах оҕолорго көмөлөһөр аһымал пуонда өйөбүлүнэн, «Эльгауголь» АХ үбүнэн-харчытынан тутуллар.
«Бу комплекс Дьокуускайга үөрэх эйгэтин уларытыа. Биһиги өрөспүүбүлүкэбитигэр «Точка будущего» комплекс тутуллан олоххо киириитэ үөрэх эйгэтигэр саҥа стандартар киирэллэригэр тирэх буолуо», — диэн этэр Айсен Николаев.
Комплексы тутууга бүгүҥҥү күҥҥэ 950 киһи үлэлии сылдьар.
«Тутуу 50 % бэлэм. Үлэҕэ кыраапыктан хаалыы суох. Сүрүн үлэлэр 2025 сыл бүтүүтүгэр түмүктэниэхтэрэ», — диэн иһитиннэрэр «Лимакмаращстрой» АУо кылаабынай инженерэ Владимир Бабак.
Бастакы маннык комплекс Иркутскайга 2020 сыллаахха аһыллыбыта. Иккис — Жатайга тутуллар.
Сурулларынан манна, 200 миэстэлээх уһуйаан, 360 алын сүһүөх кылаастар үөрэнэр оскуолалара, 480 оҕо үөрэнэр орто оскуолата, бассейннаах спортивнай блок, успуорт саалата, гимнастиканан дьарыктанар саала, учууталларга уонна оҕону иитэ ылбыт дьиэ кэргэттэргэ элбэх кыбартыыралаах дьиэ, 249 миэстэлээх аныгы паркинг, успуорт былаһаакката, тырыбыналаах футболлуур сир баар буолаллар.
Сиһилии https://www.sakha.gov.ru/news/front/view/id/3407887 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Дьокуускайга хантараагынан дьону сүүмэрдиир пууҥҥа пилота суох систиэмэлэр чаастарыгар сулууспалыан баҕалаахтарга ирдэбил туһунан кэпсээтилэр. “РФ…
Бүгүн, Аҕа дойду Дьоруойдарын күнүгэр, Муусука уонна фольклор түмэлигэр байыаннай дьайыы кыттыылаахтарын, былаас уорганнарын, култуура,…
Бүгүн Аҕа дойду Дьоруойдарын күнүгэр Ил Дархан Айсен Николаев биир дойдулаахтарбытын - Арассыыйа Дьоруойдарын кытары…
“Саха Өрөспүүбүлүкэтигэр Олохтоох бэйэни салайыныы туһунан» сокуоҥҥа уларытыылары киллэрии барылын тула үгүс кэпсэтии барар. Сорох…
«Үтүөнү оҥоруохха» аахсыйа чэрчитинэн, «Патриот» ыччат киинин волонтердара доруобуйаларынан хааччахтаах аҥаардас дьоҥҥо уонна инбэлиит оҕолоох…
«Сбер» саҥардыллыбыт GigaChat 2.0 нейросеть-модела МАХ мессенджергэ үлэлиир. Билигин ким баҕалаах @gigachat диэн ааттаах бот…