Ил Дархан  “Туймаада саллаата” мемориальнай комплекска сибэкки дьөрбөтүн уурда

«Биһиги аҕаларбыт уонна эһээлэрбит 80 сыл анараа өттүгэр киһи аймах устуоруйатыгар саамай алдьатыылаах сэриигэ бүтэһиктээх туочуканы туруорбуттара. Бу күн халбаҥнаабат хорсун быһыы, буойуннар доҕордоһууларын  уонна устуоруйа кырдьыгын быһыытынан дойду улуу ситиһиилэрин  лиэтэпиһигэр киллэриллибитэ.

Саха сирэ Аҕа дойду сэриитин тыйыс күннэригэр пуруоҥҥа уонна тыылга туох баар күүһүнэн кыайыы туһугар туруммута. Биһиги норуоппут тулхадыйбат күүһүнэн уонна сомоҕолоһуутунан киэн туттабыт. Орто дойдуга эйэлээх олох иһин  олохторун толук уурбут дойдуну көмүскээччилэр тустарынан өйдөбүнньүк быһыытынан,  “Туймаада саллаата” мемориальнай комплекска сибэкки дьөрбөтүн уурдум.

Биһиги хорсун санаалаах өбүгэлэрбит фашизмы кыайыылара биһиэхэ күүһү-уоҕу  биэрэр. Кыайыы биһиэнэ буолуоҕа!»

СӨ Ил Дархана Айсен НИКОЛАЕВ