Хаартыска: Ил Дархан, бырабыыталыстыба дьаһалтатын пресс-сулууспата.
Муус устар 5 күнүгэр “Биир ньыгыл Арассыыйа” баартыйа уопсастыбаннай приемнайыгар Ил Дархан Айсен Николаев дьону кытары көрүстэ.
Айсен Николаевка Чурапчытааҕы физкултуура, спорт институтун 2-с кууруһун устудьуоҥката Саргылаана Аргунова приемҥа сырытта. Кини тулаайах буолан, билиҥҥитэ институт уопсайыгар олорор, инникитин Дьокуускайга олохсуйар былааннаах.
Куорат дьаһалтата кинини субвенция суотугар кыбартыыраны ылааччылар испииһэктэригэр киллэрбит эрээри, билиҥҥитэ биэрэ илик. Ил Дархан тулаайах кыыһы бу сылга кыбартыыранан хааччыйарга сорудахтаата.
— Квота баар, үп-харчы көрүллүбүтэ. Онон кыбартыыра эйиэхэ быйыл бэриллиэҕэ, — диэн кини эттэ.
Ону тэҥэ, ГРЭС оройуонун олохтоохторун ааттарыттан 2-с База уулуссатыгар олорор дьахтар кэлэ сырытта.
Бу уулусса олохтоохторо Дьокуускай куорат генеральнай былааныгар уларыйыылары киллэрэр туһунан көрдөһөллөр. Рекреационнай суолталаах зонаттан олорор дьиэни туттар зонаҕа көһөрүллэрин туруорсаллар.
Бу сиргэ булкаас уонна уопсастыбаннай-дьыалабыай тутуу зоната буоларын туһунан быһаарыы ылылынна. Оччотугар олорор дьиэни тутуу эмиэ көҥүллэнэр. Дьокуускай генеральнай былааныгар уларыйыылары киллэрии түргэтиэҕэ.
Ил Дархан, бырабыыталыстыба дьаһалтатын пресс-сулууспата.
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…