Хаартыска: www.sakha.gov.ru
Бүгүн, ыам ыйын 24 күнүгэр Ил Дархан Айсен Николаев уопсастыбаннай сирдэри тупсарыы саҥа сүүмэрдээһинигэр Саха сирин бырайыактарыгар куоластаата. Быйыл эрэгийиэн 34 нэһилиэнньэлээх пуунуттан 76 бырайыак кыттар. Бастаабыт бырайыактарга федеральнай хааһынаттан үп көрүллүөн сөп.
Куоластааһыҥҥа Дьокуускай, Алдан, Нерюнгри, Ньурба, Өлүөхүмэ, Орто Халыма куораттар, Жатай куораттааҕы уокурук, ону тэҥэ, Амма, Үөһээ Бүлүү, Горнай, Эдьигээн, Кэбээйи, Ленскэй, Мэҥэ Хаҥалас, Мииринэй, Нам, Таатта, Уус Алдан, Уус Маайа, Хаҥалас, Чурапчы улуустарын нэһилиэнньэлээх пууннара бааллар.
“Төрөөбүт өрөспүүбүлүкэбитин ордук уонна табыгастаах оҥоруу – биһиги илиибитигэр! Эбийиэктэри тупсарыы Бүтүн Арассыыйатааҕы куоластааһыныгар кыттан уонна Саха сирин олохтоохторо көхтөөхтүк кыттан, сомоҕолоһон, түмсэн, куораттарбыт уонна сэлиэнньэлэрбит сыллата уларыйан иһэллэр. 2019 сылтан Саха сиригэр 101 уопсастыбаннай эйгэ тупсарылынна. Бу нэһилиэнньэ сөбүлээн мустар миэстэлэринэн буолбут кытыллар, пааркалар, тулаһалар. Биһиги өссө улаханы ситиһэр кыахтаахпыт! Бары тутуспутунан инникибит туһугар куоластыаҕыҥ!” – диэн Айсен Николаев бэйэтин телеграм-ханаалыгар суруйар.
Эбийиэктэри тупсарыыга куоластааһын муус устар 21 күнүттэн бэс ыйын 12 күнүгэр диэри Арассыыйа Бэрэсидьиэнэ Владимир Путин көҕүлээбит “Инфраструктура для жизни” национальнай бырайыак “Куорат табыгастаах эйгэтин тэрийии” бырагырааматын иитинэн барар.
Куоластааһыҥҥа Арассыыйа хас биирдии 14-тэн үөһэ саастаах олохтооҕо кыттыан сөп. Маныаха zagorodsreda.gosuslugi.ru порталга киирэр, онтон эрэгийиэни уонна нэһилиэнньэлээх пууну талар уонна сөбүлээбит бырайыакка куоластыыр ирдэнэр.
Бу туһунан Ил Дархан уонна Бырабыыталыстыба пресс-сулууспата сырдатар.
Ленскэй оройуоннааҕы ИДьМ дьуһуурунай чааһыгар олохтоох киһи матасыыкылын уордарбытын туһунан иһитиннэрбит. Эмсэҕэлээччи эппитинэн, 25 тыс.солк.…
Мииринэй оройуонун Аҕа дойду буойуннарын дьиэ кэргэннэрин кэмитиэтин салайааччытын солбуйааччы Юлия Порядочных "Патриот" национальнай бириэмийэ…
Ньурба улууһун 42 саастаах олохтооҕо ГАИ үлэһитин үөхпүт. Бу туһунан дьуһуурунай борокуруор иһитиннэрэр. Саха сиригэр…
Ил Дархан Айсен Николаев Уһук Илини социальнай-экэнэмиичэскэй өттүнэн сайыннарыыга РФ Бырабыыталыстыбатын стратегическай сиэссийэтигэр кытынна. РФ…
Ааспыт сууккаҕа ЫБММ үэһиттэрэ суол саахалыгар ыҥырыллыбатылар. Техногеннай биэс баһаар бэлиэтэммит, эмсэҕэлээччи да, өлөөччү да…
ГПХ-нан уонна дуогабарынан үлэ туох уратылаахтарын, кимнээх маннык үлэлиэхтэрин сөбүн туһунан Объясняем.рф телеграм-ханаал иһитиннэрэр. [gallery…