Хаартыска: Дмитрий Громов тиксэриитэ.
Ил Дархан Айсен Николаев Ил Түмэҥҥэ туһаайан этиитигэр туристическай өҥөнү кэҥэтэн, киэҥ эйгэҕэ таһаарыыга болҕомтону уурууну туһаайда.
ЛОРП ПАО туризм уонна пассажирдары таһыы сулууспатын салайааччыта Дмитрий Громов өрөспүүбүлүкэ Аҕа баһылыга туризмҥа сыһыаннаах туһаайыытын бэркэ сэргии ылыммытын бэлиэтээтэ:
— Ил Дархан туризм араас хайысхатын сайыннара сылдьар олохтоох урбаанньыттары түмэн, өҥөнү оҥорууга сонун суолу тобулууга болҕомтону уурарга этиитэ биһиги ыыта сылдьар үлэбитигэр сыһыаннаах. ЛОРП ПАО быйыл тэрийбит «Сиинэ» саҥа туристическай бырайыага олохтоох урбааннньыттары уонна уопсастыбаннай түмсүүлэри кытта ыкса сибээстээх үлэни ыытта.
Ол курдук, Сиинэ 80-ча олохтооҕо бу сонун туристическай круиз олоххо киирэригэр үлэлэстэ.
Ол түмүгэр «Диво Евразии» диэн норуоттар икки ардыларынааҕы куонкурус «Туризмҥа сыл бастыҥ креативнай событиета» номинациятыгар кыайдыбыт.
Эһиилги сыл Арассыыйаҕа Норуоттар сомоҕолоһууларын, Саха сиригэр Култуура сыллара биллэрилиннилэр. Онон бу маннык норуоттары ситимниир, биир тыынныыр сылларынан сибээстээн, улахан былааннаах үлэни ыытар уолдьаста.
Ил Дархан эппитин курдук, туризм араас хайысхатынан үлэлиир бырайыактарбытын дойдубут эрэ иһигэр буолбакка, аан дойду ырыынагар кытта таһааран, Сахабыт сирин туризмҥа үлэлэһэр урбаанньыттарын бырайыактарын ыырын кэҥэтэн иһиэхпитин наада.
Швейцария күрэсчиттэрэ биир күҥҥэ икки кыһыл көмүс мэтээли ылан, уопсай көрдөрүүгэ иккис миэстэҕэ таҕыстылар. Италияҕа…
2018-2025 сылларга Саха сиригэр 62 саҥа култуура эбийиэгэ аһылынна, онтон үгүстэрэ “Култуура” национальнай бырайыак иһинэн…
Олунньу 4 күнүгэр патриотическай тыыны иитии ыйын чэрчитинэн, Саха гимназиятыгар 3-10 кылаастарга кэккэнэн хаамыыны уонна…
Мииринэй оройуонугар Бырабыыталыстыба отчуотугар биир аҥаар тыһыынча кэриҥэ киһи кытынна - бу олохтоохтор үрдүк көхтөөхтөрүн…
Дьокуускай куорат киинигэр массыынаны туруоруу төлөбүрдээх буолуо. Бу саҥа уларыйыыны суол быраабылатын мэлдьи кэһэр суоппардары…
Ил Дархан Айсен Николаев Нерюнгрига федеральнай уонна эрэгийиэннээҕи стратегическай докумуоннары олоххо киллэрэр мунньаҕы ыытта. Онно…