Ил Дархан «Тыаны харыстыахха» аахсыйаҕа  кытынна

Ил Дархан сылын ахсын ыытыллар Бүтүн Арассыыйатааҕы «Тыаны харыстыахха» аахсыйаҕа кытынна.

Аахсыйа Саха сиригэр номнуо бэһис төгүлүн ыытыллар. Бу кэм иһигэр 31 тыһыынчаттан тахса мас олордуллубут. Быйыл тэрээһин Владимировка сэлиэнньэтин таһыгар Шестаковскай  учаастакка буолан ааста.

Манна барыта 1200 бэс уонна тиит мас олордулунна. «Саха сиригэр бу аахсыйа олус суолталаах. Кыраттан саҕалаан тыаны чөлүгэр түһэрии улахан кээмэйигэр тахсыахпыт диэн эрэнэбин. Үлэ бара турар. Бииргэ тыа харыстыахпыт уонна элбэтиэхпит!» — диэн Айсен Николаев бэйэтин ТГ-ханаалыгар суруйда.