Хаартыскаҕа Андрей Сорокин түһэриитэ, СИА
СӨ Ил Дархана Айсен Николаев бүгүн, от ыйын 8 күнүгэр, Тындаҕа «БАМ 25 сыла» болуоссакка «БАМы тутааччылар» пааматынньыгы арыйыы үөрүүлээх сиэригэр-туомугар кытынна.
Тэрээһин кыттылаахтарын РФ Бэрэсидьиэнин сүбэһитэ, РФ Госсэбиэтин сэкирэтээрэ Игорь Левитин эҕэрдэлээтэ.
«Үйэ аҥаарын анараа өттүгэр судаарыстыба соругун быһаарарга номох буолбут тутуу сүүһүнэн исписэлииһи, тимир суолу тутааччылары түмпүтэ. Тутааччылар, оробуочайдар, атын да идэлээхтэр бука бары дьоруойдуу хорсун үлэлэринэн тимир суол ыллыга, муосталар, тоннель, араас тэхиньиичэскэй тутуулар тутуллубуттара. Саҥа куораттар, бөһүөлэктэр, тимир суол ыстаансыйалара дьэндэспиттэрэ, бу хорсун санаалар, толкуйдар тобуллар сирдэринэн буолбута. Бүгүн БАМ дойду биир кэлим тырааныспарын тиһигин быстыспат сорҕотунан буолар», — диэн РФ Бэрэсидьиэнэ Владимир Путин эҕэрдэтин тиэртэ.
Айсен Николаев Саха сирин сайдыытыгар БАМ оруолун бэлиэтээтэ. Кини өрөспүүбүлүкэҕэ тимир суол биир сүрүн тырааныспарынан буоларын тоһоҕолоото.
«БАМ баар буолан Саха сирин соҕуруу өттө сайдар. Нерюнгри уонна нэһилиэнньэлээх пууннар тимир суол баар буолан дьэндэйэн тахсыбыттара. Бүгүн биһиги БАМ сайдыытын кытары бөдөҥ бырамыысыланнай бырайыактар сайдыыларын ситимниибит. Биһиэхэ Саха сирэ уонна Арассыыйа күүскэ сайдалларыгар саҥа тимир суоллар наадалар», — диэн бэлитиир Ил Дархан.
Пааматынньыкка биэс скульптура — БАМы тутааччылар, комсомоллар, тимир суолу тутааччылар тураллар. Пааматынньык уһуна 10 м.тахса. Икки өттүттэн БАМы тутааччылар олохторуттан, тимир суол маршрута, маһы бэлэмнээһин, ыллыгы ууруу, о.д.а. көрдөрүллүбүт. Боруонсаттан улахан монумент ааптарынан Арассыыйа скульптора, РФ худуоһунньуктар академияларын академига, Арассыыйа норуодунай худуоһунньуга Салават Щербаков буолар. Постамент граниттан чочуллубут. Боруонса чааһын ыйааһына — тоҕус туонна, гранита — биэс-алта туонна.
БАМ 50 сыллаах үбүлүөйүнэн тэрээһиннэр ыытыллаллар. БАМ столицатыгар драматическай тыйаатырга үөрүүлээх тэрээһиҥҥэ судаарыстыбаннай, биэдэмистибэннэй, үбүлүөй наҕараадаларын бэтэрээн-бамовецтарга, тимир суол салаатын үлэһиттэригэр үөрүүлээх быһыыга-майгыга туттарыахтара.
Сиһилии https://www.sakha.gov.ru/news/front/view/id/3407312 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
Тымныы түһэн, тумуу элбээн, дьон ыалдьара элбээтэ. Оҕолор уһуйааннарга, оскуолаларга баран, сыстыһан кэлэллэр. Маныаха күүстээх…
Дьокуускай куоракка эр киһи өлүүтүнэн холуобунай дьыала көбүтүлүннэ. Бу туһунан СӨ Силиэстийэлиир кэмитиэтэ иһитиннэрдэ. 2025…
Өрөспүүбүлүкэ баһыйар үгүс өттүгэр кыралаан хаардыаҕа. Күнүс Ленскэйгэ хаар хойуутук түһүөҕэ. Халыма-Индигир оройуоннарыгар сөҥүү түһэрэ…
Бу күн Күн сынньалаҥҥа, сырдыкка уонна дууһаны толорууга ананар. Ол эрээри, Ый Балыктар диэн түүл-бит…
Федеральнай хамыыһыйа «Бастыҥ муниципальнай практика – 2025» Бүтүн Арассыыйатааҕы күрэх кыайыылаахтарын биллэрдэ, кинилэр ахсааннарыгар Саха…
Саха сиригэр дьиэ кэргэҥҥэ атаҕастаныыттан сэрэтэр сокуону ылынарга этии киллэрдилэр. «Атаҕастаныыттан дьиэ кэргэн быраабын көмүскээһин»…