Бэҕэһээ Ил Дархан уонна Бырабыыталыстыба дьыалаларын салайар управление тэриллибитэ 100 сылыгар аналлаах “Эффективное взаимодействие: Стратегии сотрудничества Управления делами Главы Республики Саха (Якутия) и Правительства Республики Саха (Якутия) с исполнительными органами государственной власти и органами местного самоуправления” сэминээр буолан ааста. Тэрээһиҥҥэ, салгыы бииргэ үлэлэһии былаанын олохсутар сыаллаах уопут атастастылар, бастыҥ быраактыканы үллэһиннилэр.
Бырабыыталыстыба бэрэссэдээтэлэ Кирилл Бычков Ил Дархан уонна Бырабыыталыстыба үлэтин хааччыйыыга управление суолтатын бэлиэтээн туран эҕэрдэтин эттэ. Сэминээр “Саха сирин суруйааччылара” ассоциация бэрэссэдээтэлэ, тыл билимин хандьыдаата, ХИФУ филологияҕа бакылтыатын суруналыыстыкаҕа хаапыдыратын сэбиэдиссэйэ Олег Сидоров историческай уочаркатыттан саҕаланна. Судаарыстыбаннай боротокуол уонна наҕараада управлениетын, Ил Дархан уонна Бырабыыталыстыба дьаһалтатын бэйэни салайыныыга управлениетын боппуруостарыгар департаменын бэрэстэбиитэллэрэ, управление биэдэмэстибэннэй тэрилтэлэрин салайааччылара дакылаат аахтылар. Ордук презентациятыгар боротокуолу оҥорууга ОМСУ уопутуттан үллэстибит итиэннэ олохтоох бэйэни салайыныы уорганнарын дьыаланы салайааччылара бэйэлэрин үлэлэригэр көрсөр кыһалҕаларын ырыппыт Чурапчы улууһун баһылыгын солбуйааччы Алексей Лобанов дакылаатын сэҥээрдилэр.
Сэминээр түмүгэр истээччилэр управление үлэтинэн ыйытыылары биэрдилэр, бииргэ үлэлэһиини тупсарарга этиилэри киллэрдилэр. Кыттааччылар үлэни биир сүрүннүүр уонна уопсай түмүгү ситиһэр туһугар бу курдук көрсүһүүлэр суолталаахтарын ыйаллар.
Хаачыстыба уонна идэҕэ таһым үрдүк ыстандаартын тутуһан, Ил Дархан уонна Бырабыыталыстыба дьыалаларын салайар управление бары судаарыстыбаннай тутуллар суһал уонна көдьүүстээх үлэлэрин хааччыйар соруктаах. Бу – өрөспүүбүлүкэ хас биирдии киһитин олоҕун усулуобуйата тэриллэригэр уонна сайдарыгар көмөлөһөр.
Бүгүн, сэтинньи 5 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, Дьокуускай куоракка күн…
Бүгүн, сэтинньи 5 күнүгэр, өрөспүүбүлүкэ баһыйар үгүс өттүгэр хаардыаҕа. Хотугулуу-арҕаа өттүгэр сөҥүү түһэрэ күүтүллүбэт. Муора…
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…