Хаартыскаҕа Мария Васильева түһэриитэ, СИА
СӨ Ил Дархана Айсен Николаев РФ Бэрэсидьиэнигэр оҕо быраабыгар боломуочуйалаах Мария Львованы-Белованы кытары көрүстэ.
Өрөспүүбүлүкэҕэ социальнай тулаайахтарга профилактика боппуруостарынан Арассыыйатааҕы иниспиэксийэ түмүктэрин дьүүлэстилэр. Бу үлэ дойдуга РФ Бэрэсидьиэнэ Владимир Путин сорудаҕынан ыытыллар.
«Саха сирин көрдөрүүтэ үчүгэй. Биһиги таһаарбыт түмүкпүтүнэн, билиҥҥи туругунан, дойду үрдүнэн өрөспүүбүлүкэ 30 иһигэр киирсэр», — диэн бэлиэтиир Мария Львова-Белова.
Кини Ил Дархаҥҥа оҕолордоох дьиэ кэргэттэри өйүүр үлэлэрин иһин махтанна. Бу өрөспүүбүлүкэҕэ «Үйэ оҕолоро» бырагырааманан оҕо төрөөһүнүгэр төлөбүр, үһүс уонна онтон кэнники төрүүр оҕолорго эрэгийиэннээҕи дьиэ кэргэн хапытаала, уо.д.а.
Мария Львова-Белова Ил Дархан 2028 сылга диэри стационарнай тэрилтэлэргэ оҕо ахсаанын 50% аҕыйатар туһунан ыйааҕын тоһоҕолоон бэлиэтээтэ. Бу дьоһуннаах улахан быһаарыы ВИСП сыалын-соругун кытары маарыннаһар өрүттэрдээх.
РФ Бэрэсидьиэнигэр оҕо быраабын боломуочунайа СӨ Ил Дарханыгар Арассыыйатааҕы иниспиэксийэ өрөспүүбүлүкэҕэ социальнай тулаайахтарга профилактика боппуруостарынан оҥорбут этиилэрин биэрдэ.
Айсен Николаев Мария Львова-Беловаҕа уонна кини үлэһиттэригэр өрөспүүбүлүкэҕэ ыытыллыбыт үлэлэрин иһин махтанна.
«Этиилэри биһиги хайаан да олоххо киллэриэхпит. 2028 сылга диэри оҕо дьиэлэригэр сылдьар оҕолор ахсааннарын икки төгүл кыччатыахпыт. Биһиги үйэлээх үгэстэрдээх өрөспүүбүлүкэбитигэр, оҕо туһугар кыһамньыны ууруу ситиһиллэр сыал-сорук. Хас биирдии оҕо биһиги уопсастыбабыт көмүскэлигэр сылдьыахтаах. Итинэн бары дьарыктаныахтаахпыт — судаарыстыба, эрэгийиэннэр, муниципалитеттар», — диэтэ Айсен Николаев.
Эрэгийиэн баһылыга элбэх оҕолоох дьиэ кэргэттэри өйүүр туһурнан РФ Бэрэсидьиэнин ыйааҕа өрөспүүбүлүкэҕэ толору кээмэйинэн толорулларын бэлиэтээтэ.
«Бэрэсидьиэн ыйааҕынан, элбэх оҕолоох ыал статуһа чуолкайдык быһаарылынна. Ити биһиэхэ элбэх оҕолоох ыаллары өйүүр саҥа эбии миэрэлэри ыларга көмөлөстө», — диэн бэлиэтээтэ Ил Дархан.
Саха сиригэр элбэх оҕолоох ыаллар ахсааннара сыллата элбиир. Бүгүн өрөспүүбүлүкэҕэ 34 тыһ. тахса элбэх оҕолоох ыал бэлиэтэнэр, онно 118 тыһ. оҕо баара ыйыллар.
Бу туһунан https://www.sakha.gov.ru/news/front/view/id/3414852 киирэн ааҕыахха сөп.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Мария Васильева түһэриитэ, СИА
Түөкүттэр күннэтэ араас албастары туһанан дьону албыннаан харчыларын суйдууллар. Билигин аны туристическай ааҕыныстыба, авиакасса үлэһиттэрэ…
Бүгүн, балаҕан ыйын 20 күнүгэр, өрөспүүбүлүкэ соҕуруу, арҕаа, хотугулуу-илин өттүгэр кыралаан ардыаҕа, сорох сиринэн күүстээх…
ХОЙ Бу нэдиэлэҕэ эһигини саҥа саҕалааһыннар күүтэллэр, чуолаан үлэҕитигэр. Онуоха кыайаргытыгар-хоторгутугар сэниэлэниэххит, күүһүрүөххүт, чугас дьоҥҥут…
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…