Хаартыска: Андрей Сорокин, СИА
Ил Дархан Айсен Николаев уопсастыба лиидэрдэрин кытта эһиил Дьокуускай куоракка ыытыллар норуоттар икки ардыларынааҕы ахсыс «Азия оҕолоро» оонньууларга бэлэмнэнии туһунан кэпсэттэ. Көрсөһүүгэ бэлэмнэнии тэрээһинин туһунан санаалар этилиннилэр.
Айсен Николаев сыл ахсын уопсастыба лидердэрин кытта көрсөн санаа атастаһар. Бу сылга көрсүһүү сүрүн тиэмэтинэн эрэгийиэҥҥэ ыытыллахтаах «Азия оҕолоро» оонньууларга бэлэмнэнии буолла. Кэпсэтиигэ уопсайа 20 киһи кыттыыны ылла. Манна киинэ, култуура, ону таһынан араас таһымнаах успуорт көрүҥнэрин кыттыылаахтара сырыттылар.
Ил Дархан бэлиэтииринэн, «Азия оҕолоро» дойду үрдүнэн норуоттар икки ардыларынааҕы саамай улахан успуорт тэрээһинэ буолар. Оонньууларга сайын 30 араас дойдуттан, Арассыыйа эрэгийиэннэриттэн кыттааччылар кэлэллэрэ күүтүллэр. Онон киэн хабааннаах тэрээһиҥҥэ уопсастыбаннас санаата улахан оруоллаах.
«Азия оҕолоро» норуоттар икки ардыларынааҕы спортивнай оонньуулар 1996 сылтан саҕалаан хас түөртүү сыл ахсын ыытыллаллар. Оонньуу сыала — оҕо, ыччат успуордун сайыннарыы уонна норуоттар икки ардыларынааҕы спортивнай бииргэ үлэлээһини бөҕөргөтүү. 2024 сылга бэс ыйын 25 күнүттэн от ыйын 7 күнүгэр диэри VIII төгүлүн ыытыллар спортивнай оонньууларга, успуорт 24 араас көрүҥэр илин-кэлин түсүһүөхтэрэ.
Тохсунньу 8 күнүгэр Мэҥэ Хаҥалас улууһун отделын дьуһуурунай чааһыгар «Халыма» федеральнай суолга суол быһылаана тахсыбытын…
Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…