Ил Дархан Уус Маайа улууһун баһылыгын кытта көрүстэ

Ил Дархан Уус Маайа улууһун баһылыгын кытта көрүстэ

Ааптар:
31.05.2024, 20:35
Хаартыска: Андрей Сорокин, СИА
Бөлөххө киир:

Ил Дархан Айсен Николаев ыам ыйын 31 күнүгэр командировка кэмигэр Уус Маайа улууһун баһылыга Александр Азаровы кытта оробуочай көрсүһүүнү ыытта.

Айсен Николаев Александр Азаров баһылыгынан талыллыаҕыттан муниципальнай дьаһалта үлэтин хаачыстыбата биллэ үрдээбитин бэлиэтээтэ. Кини Уус Маайа улууһугар олохтоохтор тыа сирин тупсарарга ис сүрэхтэриттэн кыһаллан үлэлиллэрэ көстөрүн ыйда.

Хаартыска: Андрей Сорокин, СИА

Көрсүһүү кэмигэр доруобуйа харыстабылын үлэһиттэрин олорор дьиэнэн хааччыйыы, Петропавловскай сэлиэнньэтигэр диэри суолу-ииһи өрөмүөннээһин, бырамыысыланнас сайдыытын, бырамыысыланнас хампаанньаларын  кытта бииргэ үлэлээһини кэҥэтии боппуруостарын дьүүллэстилэр. Ону таһынан Айсен Николаев Саха сирин Бырабыыталыстыбатыгар Күпсү сэлиэнньэтигэр саҥа оскуола тутуутун түргэтэтэргэ сорудах бэриллэрин бэлиэтээтэ.

«Биһиги Александр Иосифовичтыын уус-маайалар олохторун тупсарыыга чопчу соруктарга сыһыаннаах боппуруостары дьүүллэстибит. Саха сирин Бырабыыталыстыбатыгар кэлэр сылларга бу тыын суолталаах боппуруостар быһаарыллалларыгар дьаһаллары ылынарга сорудахтанна», — диэн көрсүһүү түмүгүнэн Айсен Николаев бэлиэтээтэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: