Хаартыска: Андрей Сорокин, ЯСИА
Өрүттэр сүрүн болҕомтолорун устуоруйа өйдөбүлүн харыстааһыҥҥа, ону тэҥэ ыччаты патриотическай иитии эйгэтигэр бииргэ үлэлээһиҥҥэ уурдулар.
Дьүүллэһии сүрүн тиэмэтинэн Мамаев кургаҥҥа мемориальнай кылабыыһатыгар туруоруллубут «1942–1943 сс. Сталинграды көмүскээбит Саха сирин буойуттарыгар» өйдөбүнньүк обелиск бэлиэ суолтата буолла.
Бу пааматынньык Улуу Кыайыы 80 сылыгар саҕаламмыт «Бастион памяти» устуоруйа-патриотическай бырайыак чэрчитинэн бастакынан туруорулунна.
Айсен Николаев бэлиэтээбитинэн, мемориал саха дьонун хорсун быһыытыгар махталы уонна өйдөбүлү кэрэһилиир бэлиэнэн буоллар: өрөспүүбүлүкэттэн төрүттээх 10 тыһыынча кэриҥэ киһи Сталинград кыргыһыытыгар сэриилэспитэ, кинилэртэн тыһыынча кэриҥэ киһи олоҕун толук уурбута.
«Биһиэхэ хас биирдии буойун сырдык кэриэһэ ытык. Бу – биһиги өрөспүүбүлүкэбитигэр Улуу Кыайыы 80 сылын туолар сылыгар саҕаламмыт «Бастион памяти» устуоруйа-патриотическай бырайыак чэрчитинэн оҥоһуллубут бастакы обелиск. Маннык мемориаллар сыл бүтүөр диэри Смоленскай, Псковскай, Калужскай, Новгородскай уобаластарга аһыллыахтара. Онно бу сирдэргэ саха буойуттарын ааттара суруллуоҕа, оттон бырайыак үөрэхтээһин бырагыраамата дьоруойдар тустарынан өйдөбүлү кэлэр көлүөнэлэргэ тиэрдэргэ көмөлөһүөҕэ. Бу суолталаах дьыалаҕа ыкса уонна таһаарыылаахтык бииргэ үлэлэһэрбит иһин эһиэхэ ис сүрэхпиттэн махтанабын. Бырайыак биһиги эрэгийиэннэрбит икки ардыларынааҕы сибээһи бөҕөргөтүөҕэ», — диэн Айсен Николаев бэлиэтээтэ. Ил Дархан эһэтэ Андрей Титович Титаров Сталинград анныгар пулеметчутунан сэриилэспитин туһунан кэпсээтэ. «Миэхэ кини сэриилэспит сиригэр сылдьар – ураты долгутуулаах. Мин санаабар, маннык бииргэ оҥорор бырайыактарбыт дьоруойдар тустарынан өйдөбүлү харыстыырга уонна ону кэлэр көлүөнэлэргэ тиэрдэргэ кыах биэрэллэр», — диэн кини эттэ.
Уус Алдаҥҥа РФ үтүөлээх уонна образцовай кэлэктиибэ, Саха хомсомуолун бириэмийэтин лауреата "Кэнчээри" оҕо ырыа-үҥкүү норуодунай…
Бэс ыйын 28-29 күннэригэр Туймаада ыһыаҕа буолаары турар. Ыһыахха бэлэмнэнии туһунан Дьокуускай куорат аҕа баһылыга…
Бильярды таптааччылар ахсааннара элбээн иһэрэ бэлиэтэнэр. Күрэхтэһиигэ оҕотуттан ытык кырдьаҕаһыгар тиийэ, оннооҕор Москваттан кытары кэлэн…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Абитуриеннарга, кинилэр төрөппүттэригэр анаан быйыл орто анал үөрэххэ туттарсыыга уонна тус сыаллаах үөрэххэ аналлаах “Учись…
Саха сиригэр сайыҥҥы сиэссийэ иитинэн бастакы демонстрационнай эксээмэннэр түмүктэрин иһитиннэрбиттэр. Түөрт устудьуон эксээмэнин 100 баалга…