Ил Дархан «Время героев» бырагыраама кыттыылаахтарын кытта көрүстэ

Ил Дархан Айсен Николаев Арассыыйа дьоруойдара Николай Соболевы уонна Дмитрий Куценконы — «Время героев» бырагыраама кытыылаахтарын кытта көрсүһүүнү ыытта.

Бу туһунан СӨ Ил Дарханын уонна Бырабыыталыстыбатын пресс-сулууспата суруйар. «Бу олох саҥа түһүмэҕэ буолбакка, Ийэ дойду көмүскэлигэр сулууспа салҕааһынын кэриэтэ. Бырагыраама киһи сайдарыгар киэҥ кыаҕы арыйар, ордук стажировканы Саха сиригэр ааһаллара үөрдэр», — диэн Айсен Николаев ТГ-ханаалыгар суруйар.

Арассыыйа дьоруойдара үөрэх бастакы күннэрин туһунан санааларын атастастылар уонна бырагыраама чэрчитинэн уопуттарын кытта үллэстэллэригэр бэлэмнээхтэрин эттилэр.

Николай Соболев этэринэн, үөрэх бырагыраамата бастакы күннэриттэн олус киэҥ. «Элбэх информацияны иһиттим. Олус күүстээх спикердэр бааллар: Сергей Лавров, Сергей Собянин. Истэргэ интэриэһинэй. Саҥа соруктары туруорунабыт. Салайыы наукатын билиэхпит», — диэн Арассыыйа Дьоруойа бэлиэтээтэ.

Көрсүһүү түмүгэр Айсен Николаев үөрэххэ ситиһиилэри баҕарда уонна өрөпсүүбүлүкэ дьоруойдарынан киэн туттарын бэлиэтээтэ.