Хаартыскаҕа Андрей Сорокин түһэриитэ, СИА
Үөһээ Бүлүүгэ Ил Дархаҥҥа креативнай кластер бырайыагын билиһиннэрдилэр.
Үөһээ Бүлүүгэ Ил Дархан култуура уонна ускуустуба дыбарыаһа тутуллуохтаах сирин көрдө. Эбийиэк САССР 50 сыла уулуссаҕа тутуллар. Сирин иэнэ 10 тыһ. кв.м тахса буолар.
Аттыгар Олоҥхо дьиэтэ уонна тупсарыллан оҥоһуллар Исидор Барахов искибиэрэ бааллар. Манна барытыгар табыгастаах эйгэ тэриллиэ. Искибиэр Уһук Илин субъектар ортолоругар куорат тупсаҕай эйгэтин тэрийии бырайыактарыгар Арассыыйатааҕы куонкуруска кыайыыны ситиһэннэр оҥоһуллар. Манна аллея, фонтан, оҕо былаһаакката, Исидор Барахов пааматынньыга болҕомтону тардыахтара. Ил Дархан Айсен Николаев искибиэри тупсаран оҥорууну күһүн болдьоммут кэмигэр бүтэрэргэ соруйда.
2024 сыл бүтүүтүгэр — 2025 сыл иккис кыбартаалыгар култуура уонна ускуустуба дыбарыаһын бырайыагын оҥоруохтара. Ил Дархан Айсен Николаев бэлиэтээбитинэн, 400 миэстэлээх култуура уонна ускуустуба дыбарыаһа дьон-сэргэ айар дьоҕурун сайыннарарыгар көдьүүстээх креативнай кластерынан буолуоҕа, олохтоохтор үөрэ-көтө мустуохтара.
Манна култуура департамена, ЗАГС, норуот айымньытын киинэ, устуоруйа уонна этнография түмэлэ, тэрээһиннэри ыытар саала, «Киновер» киинэ тыйаатыра, креативнай кластер, технопаарка киирэллэр.
Ил Дархан култуура уонна ускуустуба дыбарыаһын үлэтин улуустааҕы култуура тэрилтэлэрин, Олоҥхо дьиэтин кытары дьүөрэлииргэ, ситимнииргэ сорук туруорда.
СӨ Ил Дарханын уонна Бырабыыталыстыбатын пресс-сулууспата
Хаартыскаларга Андрей Сорокин түһэриитэ, СИА
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…