Хаартыскаҕа Мария Васильева түһэриитэ, СИА
Үөһээ Бүлүүгэ Ил Дархан элбэх кыбартыыралаах дьиэлэр тутууларын бэрэбиэркэлээтэ.
Бу хаарбах дьиэттэн көһөрүү бырагырааматынан ыытыллар. Икки түөртүү мэндиэмэннээх дьиэни Школьная 2 уулуссаҕа туталлар. Маны таһынан, Ил Дархан Школьная 6 уулуссаҕа тутуллар дьиэни эмиэ көрдө.
«Үлэ хаамыытын түргэтэтиэххэ, хаачыстыбата үчүгэй буоларыгар кыһаллыахха уонна болдьоҕор киллэриэххэ. Олохтоохтор 2023 сыл бүтүүтүгэр өр күүппүт баҕа санаалара туолуохтаах«, — диэтэ Айсен Николаев тутааччылары кытары көрсүһүүгэ.
СӨ Бырабыыталыстыбатын бэрэссэдээтэлин бастакы солбуйааччы Кирилл Евгеньевич Бычковка үлэ хаамыытын тэтимнээн биэрэргэ уонна дьиэлэри ыйыллыбыт болдьохторугар үлэҕэ киллэрэргэ сорудах бэрилиннэ.
Школьная 2 уулуссаҕа турар дьиэ 76 кыбартыыралаах, уопсай иэнэ 4 тыһ. кв. м. Тутуу билиҥҥи туругунан 35-40% бэлэм.
Оттон Школьная 6 уулуссаҕа 36 кыбартыыралаах дьиэ тутуллар. Дьиэ уопсай иэнэ 2 494 кв. м. Манна үлэ кыраапык быһыытынан баран иһэр. Эбийиэк 40% бэлэм.
Үөһээ Бүлүү оройуонугар 2025 сылга диэри 85 элбэх кыбартыыралаах дьиэттэн (уопсай иэнэ 26 668 кв. м.) дьону көһөртүөхтэрэ. Саҥа дьиэлэргэ 1 434 киһи көһүө.
СӨ Ил Дарханын уонна Бырабыыталыстыбатын пресс-сулууспата
Хаартыскаларга Мария Васильева түһэриитэ, СИА.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…