Ил Дархан Үөһээ Бүлүүгэ үлэлиир

Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен  Николаев уонна СӨ Бырабыыталыстыбатын чилиэттэрэ тиийдилэр.

Ил Дархан сорудахтарынан ыытыллар үлэни, улуус экономическай уонна социальнай сайдыытын балаһыанньатын билистилэр.
Ил Дархан Айсен Николаев Үөһээ Бүлүү сэлиэнньэтигэр «Хаарбах дьиэттэн көһөрүү» национальнай бырайыак чэрчитинэн тутуллан иһэн тохтообут Ленина уулуссатыгар  баар элбэх квартиралаах дьиэҕэ сырытта.

51 квартиралаах дьиэ тутуута билиҥҥи туругунан 55% оҥоһуллубут. Дьиэни тутар бэдэрээтчиккэ, «Стройинжиниринг» тэрилтэҕэ, хантараак төлөбүрэ 90% бэриллибит, ол эрэн тутуу үлэтэ 2024 сылтан тохтоон, быйыл үлэ ыытыллыбата диэн улуус баһылыга Валерий Николаев иһитиннэрдэ.

Салгыы Үөдүгэй нэһилиэгэр 2020 сылтан саҕаламмыт «Универсальный комплекс спортивных единоборств» тутуутун көрдүлэр-иһиттилэр. Тутуу үлэтэ билиҥҥи туругунан 65% түмүктэнэн турар.