Ил Дархан Үөрэх эйгэтигэр инвестиция кээмэйин, педагогтарбыт кыахтарын учуоттаан, 2024 сылга үөрэх хаачыстыбатынан дойду 15 бастыҥ эрэгийиэнин кэккэтигэр киирэргэ соругу туруорбута. Ол эрээри, хомойуох иһин, бүгүҥҥү Анал этиитигэр, биһиги бу сыалтан ыраахпыт диэн иһитиннэрдэ.
— Рособрнадзор Арассыыйатааҕы эриэйтинигэр өрөспүүбүлүкэ намыһах көрдөрүүлээх. Өскөтүн үөрэххэ тэҥнээһининэн киэҥ сирбитин учуоттаан чэпчэтии оҥоһуллуон сөп эбит буоллаҕына, функциональнай кырааматынаска бэлэмниир таһымҥа хаалыы адьас табыллыбат дии саныыбын. Биһиги чопчу оскуолаҕа үөрэтии хаачыстыбатын кэккэ көрдөрүүлэринэн хаалан иһэбит. Бу тэриллибит усулуобуйа уонна бүгүн ситиһиллибит түмүк туруга суох көстүүтэ. Уопсай үөрэхтээһиҥҥэ оҕолор чахчы хаачыстыбалаах уонна аныгы билиини ылалларыгар билиҥҥитэ туох даҕаны уларыйыы бара илик курдук көстөр. Үөрэх уонна билим министиэристибэтэ маны улахан болҕомтоҕо ыларыгар этэбин. Үөскээбит балаһыанньаны улахан ыҥырыы быһыытынан ылынарга уонна көннөрөргө ыҥырабын.
Хос, туһата суох структуралары, ордук администрированиены, олоҕо суох хонтуруолу суох гынан салайар систэмэни судургутутар ирдэнэр. Учуутал оҕоҕо аныахтаах бириэмэтин көдьүүһэ суох, хаһан даҕаны бүппэт отчуоттары толорорго ыытар. Күн бүгүн үөрэх уонунан тыһыынчаны түмэр идэ саамай бөдөҥ эйгэтэ буолар. Кинилэр маастарыстыбаларыттан, кыттыыларыттан киһи хапытаалын хаачыстыбата быһаччы тутулуктаах. Маныаха үөрэх тэрилтэтин салайааччытын сүрүн соруга, педагог үөрэх саҥа пуорматынан үөрэтэригэр, оҕолорго саамай улахан билиини тиэрдэригэр көҕүлээһин буолар”, — диэн эттэ.
Итиэннэ итэҕэһи сэргэ уһулуччу түмүк эмиэ баарын Ил Дархан бэлиэтээн эттэ. Ол курдук, бэрэсидьиэн ыйааҕынан Саха сирин учуутала Виктор Филиппович Потаповка Арассыыйа норуотун учуутала аат иҥэриллибитин ахтан аһарда.
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…
Ил Түмэҥҥэ туһаайан этиитигэр өрөспүүбүлүкэ баһылыга Айсен Николаев чэпчэтиилээх эминэн хааччыйыыны бигэтик үбүлүүр соругу туруорда.…
Саха сиригэр будулҕан туманнаах, күүстээх бытарҕан тымныылар тураллар. Ахсынньы 24 күнүгэр сарсыарда Өймөкөөн улууһугар салгын…
Ленскэй оройуонун суута Пеледуй бөһүөлэгин олохтоох киһиэхэ сыһыаннаан РФ Административнай кодексатын 19.3 ыстатыйатын 1 чааһынан…
Павловскай сэлиэнньэтин бибилэтиэкэтигэр Мэҥэ Хаҥалас улууһун “Аҕа дойдуну көмүскээччилэр” пуонда филиалын социальнай координатора Рената Спиридонова…