Нерюнгри оройуонун Серебрянай Бор бөһүөлэгэр быстах ыҥырыынан уонна тус баҕанан байыаннай дьайыыларга кытта барбыттарга уонна кинилэр дьиэ кэргэттэригэр көмө быстах ыҥырыы биллэриллибит бастакы күннэриттэн ыла тута саҕаламмыта. Ол туһунан бөһүөлэк баһылыга Дмитрий Владимирович Рогожин хаһыат уонна саайт ааҕааччыларыгар кэпсээтэ:
— Серебрянай Борга байыаннай дьайыыларга кытта барбыт дьоммут дьиэ кэргэттэригэр көмө быстах ыҥырыы биллэриллибит бастакы күннэриттэн ыла тута саҕаламмыта. Бастатан туран, олохтоох дьаһалта байыаннай дьайыыларга кытта барааччыларга докумуоннары толорууну суһалсытар дьаһаллары ылына охсубута. Ол курдук, саахсаламмакка эрэ олорор кэргэнниилэр ыал буолууларын, аҕа буолууну туоһулуур онтон да атын наадалаах докумуоннар толоруллубуттара. Ону сэргэ урбаан, дьоҕус дьыала үлэлээх саллааттары нолуоктан босхолооһуну, кинилэр дьиэ кэргэттэригэр олох-дьаһах өттүгэр араас кыһалҕаларыгар көмөлөһүүнү, оҕолоро оҕо саадыгар сылдьыылара, оскуолаҕа аһааһыннара босхо буоларын тэрийбиппит, оҕолорго барыларыгар Саҥа дьыллааҕы бэлэхтэри туттартаабыппыт.
Соторутааҕыта биир судургута суох түгэн буолла – байыаннай дьайыыга кыттар биир дойдулаахпыт сэтинньигэ кыайан хаамар кыаҕа суох буола ыараханннык бааһырбыта, Москваҕа эмтэнэр. Ол иһин дойдутугар кэллэҕинэ, олорор квартирата үһүс этээскэ баарын иһин сүбэлэһэн бараммыт, кини икки оҕолоох дьиэ кэргэнигэр бастакы этээскэ квартира булан биэрэргэ быһаарыы ылбыппыт.
Биһиги бөһүөлэкпит олохтоохторо уонна тус бэйэм Президент В.В. Путин нацистары бохсууга байыаннай дьайыыны ыытар туһунан быһаарыытын толору өйүүбүт. Биһиги буойуннарбыт Арассыыйа бары дьоно-сэргэтэ нацизм эрэйин, кыһалҕатын билбэккэ, эйэлээх олоххо этэҥҥэ олороллорун туһугар киирсэ сылдьаллар. Кыайыы кынаттаах эргиллэн кэлиэхтэрэ диэн эрэнэбин!
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…