Хаартыска: Ил Дархан, бырабыыталыстыба дьаһалтатын пресс-сулууспата.
Ил Дархан Айсен Николаев Кириэмилгэ «Баҕа санаа харыйата» Бүтүн Арассыыйатааҕы аһымал аахсыйаҕа кытынна. Кини харыйаттан үс саарыгы устан ылла. Бу саарыктарга үс оҕо баҕа санаата суруллубут. Оҕолор Саха сиригэр уонна Донецкай Өрөспүүбүлүкэ Кировскай куоратыгар олороллор.
— Үтүө үгэс курдук, Кириэмилгэ турар «Баҕа санаа харыйатыгар» оҕолор ыра санаалара туолаллар. Мин үс саарыгы ыллым. Бу саарыкка суруйбут оҕолортон иккитэ Сахабыт сиригэр олороллор эбит. Чапчылҕаҥҥа олорор Алла Тымныы оҕонньор бэлисипиэт бэлэхтиирин кэтэһэр. Дьокуускайтан Вероника муусуканан дьарыктанар уонна синтезаторы баҕарар эбит. Кировскай олохтооҕо Ярослав Тымныы оҕонньортон бэлисипиэти көрдөһөр. Быйыл бэлисипиэт — саамай тарҕаммыт баҕа санаа эбит. Тымныы оҕонньорго оҕолор Саҥа дьыллааҕы баҕа санааларын толороругар көмөлөһүөхпүт, — диэн Айсен Николаев эттэ.
«Баҕа санаа харыйата» аһымал санаа бырайыага, ыарахан балаһыанньаҕа түбэспит дьиэ кэргэттэр оҕолоругар Саҥа дьыллааҕы алыптаах түгэни бэлэхтиир, оттон улахан дьоҥҥо аптаах киһи оруолугар киирэн, оҕолорго үөрүүнү бэлэхтииллэригэр кыах биэрэр. Ким баҕарар бу аахсыйаҕа кыттыан сөп.
Аахсыйа 2018 сылтан ыытыллар, бу сыллар тухары үтүөнү тарҕатар тыһыынчанан дьону түмтэ, тыһыынчанан оҕо баҕа санаатын толордо.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…