Хаартыска5а Андрей Сорокин т87эриитэ, СИА
Ил Дархан Айсен Николаев бүгүн, ахсынньы 8 күнүгэр, «Үтүө санаа харыйата» аахсыйаҕа кытынна.
Ил Дархан маннык үтүө санаа аахсыйатыгар ахсыс төгүлүн үөрүүнэн кыттар. Бу ураты харыйаҕа баар аккырыыккаларга доруобуйаларыгар хааччахтаах оҕолор уонна коррекционнай оскуола үөрэнээччилэрэ баҕа санааларын суруйаллар.
«Саҥа дьыл бырааһынньыгын көрсө оҕолор бэлэх туталлара, күүтүүлээх бырааһынньык аптаах, алыптаах үөрүүтүн билэллэрэ олус наада. Мин бу аахсыйа киэҥник, далааһыннаахтык ыытылларыттан үөрэбин. Өрөспүүбүлүкэбит киин куоратын бары олохтоохторун уонна ыалдьыттарын бу бэртээхэй тэрээһиҥҥэ, аахсыйаҕа кыттаргытыгар ыҥырабын. Бүгүн мин икки оҕо баҕа санаатын толорор чиэскэ тигистим. Бастакы кылааска үөрэнэр Илинаҕа уонна бэһис кылааска үөрэнэр Славаҕа үлэспит бэлэхтэрин атыыластым. Сөбүлүөхтэрэ диэн эрэнэбин. Саҥа дьыл күүтүүлээх бырааһынньыга кэлэн иһэринэн! «, — диэтэ Ил Дархан Айсен Николаев.
Ил Дархан кыракый кыысчааҥҥа Аленка куукуланы, уолчааҥҥа — оонньуур наборун атыыласпыт.
Быйыл үтүө санаа аахсыйата сэтинньи 20 күнүттэн ахсынньы 29 күнүгэр диэри ыытыллар. Маннык харыйалар өрөспүүбүлүкэ бары оройуоннарыгар туруоруллубуттара.
Манна кыттыан баҕалаахтар Дьокуускайга Кальвица уулуссатын 14/5 уонна Дзержинскэй уулусса 71 №-гэр «Бубль Гум» маҕаһыыннарыгар тиийэҕит.
«Үтүө санаа харыйатыгар ким баҕарар кыттар. Харыйаҕа оҕо аата суруллубут аккырыыкканы талан ылаҕыт уонна киниэхэ бэлэх оҥороҕут. Аахсыйаҕа кыттыбыт киһи хаартыскатын социальнай ситимҥэ #Елкадобра2024 туруорар, доҕотторун, чугас дьонун итинэн үтүө санаа аахсыйатыгар кыттарга ыҥырар.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
“Спортивные якутяне” үөрэнээччилэр өрөспүүбүлүкэтээҕи спартакиадаларын волейбол көрүҥэр күрэхтэһии бүгүҥҥүнэн бүттэ. Кыргыттарга Дьокуускай хамаандата бастаата, Чурапчы…
Бүгүн Аллайыаха улууһун Бөрөлөөх нэһилиэгэр бибилэтиэкэҕэ тапталлаах бэйиэппит Александр Пушкиҥҥа анаммыт сыл аайы ыытыллар “Аллаиха…
Сарсын, бэс ыйын 7 күнүгэр, кэрэ айылҕалаах Кэҥкэмэ үрэх биэрэгэр эбэҥки норуота үгэс буолбут сайыҥҥы…
Куһу-хааһы бултааһын, сиргэ-уокка сылдьыы бэрээдэги ирдиир. Онон муус устар 25 күнүттэн бэс ыйын 5 күнүгэр…
Бэс ыйын 6-8 күннэригэр самаан сайыны уруйдуу Бүлүүлүүр аартыкка Кэҥкэмэ үрэх таһыгар “Бакалдын-2025” эбэҥкилэр үгэс…
Сунтаар улууһун бочуоттаах гражданина, Сунтаар, Сиэйэ, Түбэй Дьаархан нэһилиэктэрин бочуоттаах олохтооҕо, Гражданскай килбиэн аат бэлиэ…