Ил Дархан Айсен Николаев бүгүн, ахсынньы 15 күнүгэр, «Үтүө санаа харыйата» аахсыйаҕа кытынна.
Кини «Берегиня» иитиллээччитин уонна анал байыаннай эпэрээссийэ кыттыылаахтарын оҕолорун баҕа санааларын толордо.
«Саҥа дьыл — наһаа үчүгэй, кэрэ бырааһынньык. Оҕолор бука бары туох эрэ дьикти үчүгэйи күүтэллэр уонна кинилэр бу күүтүүлээх кэрэ бырааһынньыкка бэлэх тутуохтаахтар», — диир Айсен Николаев.
«Үтүө санаа харыйата» номнуо сэттис төгүлүн олус долгутуулаахтык, үөрүүлээхтик, өрө көтөҕүллүүлээхтик, ураты болҕомто ууруллан ыытыллар. «Быйылгы сыл уратыта диэн, бэлэҕи коррекционнай оскуола үөрэнээччилэрэ, тулаайах оҕолор эрэ буолбакка, анал байыаннай эпэрээссийэ кыттыылаахтарын оҕолоро эмиэ тутуохтара», — диэн быһаарар Ил Дархан.
Ил Дархан А.С.Николаев тулаайах уонна төрөппүт көрүүтэ-истиитэ суох хаалбыт оҕолорго көмөлөһөр уонна кэлимсэ арыаллыыр, «Берегиня» доруобуйаларыгар хааччахтаах киин 8 кылааһын үөрэнээччитэ Максим Рясикка, итиэннэ анал байыаннай эпэрээссийэ кыттыылаахтарын икки кырачааныгар бэлэхтэри оҥордо. Ил Дархан Максимҥа квадрокоптер, кырачааннарга куукула уонна көбүөр, оонньуур бэлэхтээтэ.
Айсен Николаев оҕолорго кыһамньы уонна болҕомто куруук ууруллуохтааҕын, Саха сирин олохтоохтора маннык тэриллэр тэрээһиҥҥэ, харыйаҕа көхтөөхтүк кытта туралларыгар баҕарда.
Саха сирин олохтоохторо быйылгы аахсыйаҕа турунан кытталлар. «Үтүө санаа харыйата» өрөспүүбүлүкэ бары улуустарыгар туруорулунна.
Дьокуускайга аахсыйаҕа «Бубль Гум» (Кальвица, 14/5, уонна Дзержинскэй, 71), ону таһынан «Хозмаркет» (Чернышевскай уул., 107/1) маҕаһыыннарга тиийэн кыттыахха сөп.
«Үтүө санаа харыйата» аахсыйаҕа ким баҕарар кыттыан сөп. Оҕо аата суруллубут аккырыыккатын талаҕыт уонна киниэхэ Саҥа дьыллааҕы бэлэҕи оҥороҕут. Аахсыйаҕа кыттааччы социальнай ситимҥэ кыттыан сөп, хештег — #Елкадобра. Салгыы эстэпиэтэни бэйэтин чугас дьонугар, доҕотторугар ыытан манна кыттарга ыҥырар.
СӨ Ил Дархан уонна Бырабыыталыстыба пресс-сулууспата
Хаартыскаларга Мария Васильева (СИА) түһэриитэ
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…