Хаартыска: СИА
Айсен Николаев Судаарыстыбаннай Дуума дьокутаата Юрий Григорьевы кытта оробуочай көрсүһүүнү ыытта.
Ил Дархан Юрий Григорьевы кытта тырааныспар инфраструктуратын сайыннарыыга бииргэ үлэлээһиннэр боппуруостарын дьүүллэстилэр. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Юрий Григорьев суолу көрүү-харайыы сокуонун регламеныгар саҥа киритиэрийдэри киллэрии чааһыгар саҥа уларытыылар киириэхтэрэ диэн иһитиннэрдэ. 100 нэһилиэнньэлээх пууннар уонна атын оройуоннардааҕы кииннэр икки ардыларыгар суоллар федеральнай бүддьүөттэн үбүлэниэхтэрэ. Ону тэҥэ тырааныспарынан уонна салгынынан таһаҕаһы тиэйиини-таһыыны хааччыйар баксаалларга, аэропуортарга диэри суоллары үбүлээһин бэрээдэгэ уларыйар. «Кулун тутар 1 күнүгэр диэри эрэгийиэннэр тирэх суоллар ситимин көрүөхтээхтэр уонна сөбүлэһиэхтээхтэр. Регламент бу сыл бэс ыйыттан саҕаланан, кэлиҥҥи сылларга эмиэ үлэтин саҕалыа», – диэтэ Юрий Григорьев.
Айсен Николаев Саха сирэ бу регламеҥҥа уларытыылары киллэрэргэ бэйэтин этиилэрин ыытарын бэлиэтээтэ. Кэпсэтиигэ Айсен Николаев «Осетрово» өрүс пуордуттан таһаҕаһы тиэйиигэ логистика тиһигин уларытыы чэрчитинэн бэлэмнэнии үлэтэ ыытылларын бэлиэтээтэ. Ил Дархан «Аллараа Бэстээх» өрүс пуордугар таһаҕаһы тиэйиигэ логистическай суоллары сиһилии үөрэтиэххэ наадалааҕын эттэ. Ону тэҥэ көрсүһүүгэ аэропуортары саҥардыы уонна Өлүөнэ, Халыма, Индигиир, Дьааҥы өрүстэри дириҥэтэр үлэлэри ыытарга боппуруостар көрүлүннүлэр.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…