Хаартыска: www.sakha.gov.ru
Убаастабыллаах юристар!
Саха Өрөспүүбүлүкэтин салалтатын уонна тус бэйэм ааппыттан идэлээх бырааһынньыккытынан эҕэрдэлиибин!
Бу күн сокуоҥҥа сулууспалааһыҥҥа олохторун анаабыт дьону барыларын түмэр: судьуйалары, борокуруордары, силиэдэбэтэллэри, адвокаттары, нотариустары, тэрилтэлэр юрисконсультаннарын, юриспруденцияны үөрэтэр преподавателлэри, уо.д.а. Хас биирдиилэрэ өрөспүүбүлүкэҕэ сокуон бөҕөргүүрүн уонна бэрээдэк олохтонорун туһугар кылааттарын киллэрэ сылдьаллар.
Юристар күннэтэ идэлээх иэстэрин толороллор. Арктика улуустарыттан соҕурууҥҥу оройуоннарга диэри — ханна баҕарар эһиги квалификациялаах көмөҕүт ирдэнэр, бу соругу эһиги чиэстээхтик толороҕут. Киэҥ нэлэмэн өрөспүүбүлүкэбит хас биирдии олохтооҕор быраап өттүнэн көмөнү оҥороҕут.
Кэнники сылларга юридическэй түмсүүгэ барытыгар кытаанах бэрэбиэркэ курдук буолла. Пандемия кэмигэр юристар нуорма баазатын оҥорбуттара, ол өрөспүүбүлүкэ кэм ирдэбиллэригэр эппиэттэһэрин хааччыйбыта.
Бүгүн, анал байыаннай дьайыы бара турдаҕына, эһиги эмиэ үрдүк профессионализмы уонна бэриниилээх буолууну көрдөрөҕүт. Байыаннай сулууспалаахтары уонна кинилэр дьиэ кэргэттэрин быраап өттүнэн өйүүргэ үлэҕит сыаната кэмнэммэт. Онон эһиги үлэҕит байыастар санааларын бөҕөргөтөргө, дьиэ кэргэттэрин туһугар эрэллээх буолалларыгар улахан оруоллаах.
Бу күн, үгэс курдук, Михаил Михайлович Федоров аатынан Судаарыстыбаннай бириэмийэни өрөспүүбүлүкэ биллэр юристарыгар туттарабыт. Маны тэҥэ, Саха сирин юристарын сийиэһин тэрийии улахан суолталаах үгэскэ кубулуйда. Сийиэс юридическэй үлэ хайысхаларын ыйар, идэлээх түмсүүлэр бөҕөргүүллэригэр, быраап систиэмэтэ тупсарыгар көмөлөһөр.
Үйэлэрин тухары идэлэригэр бэриниилээхтик үлэлээбит, өрөспүүбүлүкэ быраапка систиэмэтин акылаатын уурбут бэтэрээннэргэ сылаас махталбын тиэрдэбин. Эһиги уопуккут, муударай сүбэҕит эдэр көлүөнэ юристарга олус суолталаах. Юрист идэтин престиһэ үрдээн иһэрин, талааннаах ыччат бу идэни таларын көрөр кэрэхсэбиллээх.
Бу үөрүүлээх күҥҥэ юридическэй эйгэ бары үлэһиттэригэр кытаанах доруобуйаны, ситиһиилэри, дьиэ кэргэҥҥит этэҥҥэ буоларыгар баҕарабын! Сокуон ирдэбилигэр бэриниилээх үлэҕит, кырдьык туһугар дьулуһуугут инникитин да тапталлаах Сахабыт сирин уонна улуу Арассыыйа сайдыытыгар бигэ тирэх, олук буола турдун!
Ил Дархан Айсен Николаев.
... Кини математикаҕа Биир кэлим эксээмэнин (ЕГЭ) кыайан туттарбакка, күһүн кэлэн туттарарга мэктиэлэммит. Ол эрээри…
Елена устудьуоннуу сылдьан, 18 сааһыгар кэргэн тахсан, ыарахан буолан, төрүүр дьиэҕэ киирбитэ. Хантан билиэй, аан…
Эдьиий Дора сүбэтэ. Эккэ-хааҥҥа иҥэмтэлээх, ыраас, туһалаах эбиликтээх ас сүмэтэ биһиэхэ баарын сотору аан дойду…
Дьуһуурунай борокуруор иһитиннэрбитинэн, суукка устата буруйу оҥоруу туһунан 12 иһитиннэрии бэлиэтэммит. Ол курдук, Нерюнгри куоракка…
Бу күннэргэ биир дойдулааҕым, Учууталым диэн улахан буукубаттан суруйар, ытыктыыр-сүгүрүйэр киһим Баһылай Сэмэнэбис Сүөдэрэп-Сэмээр Баһылай…
Ахсынньы 13 күнүнээҕи туругунан сымыыт былырыыҥҥы кээмэйин -- 97,7 мөл устууканы ыллылар. Сыл бүтүөр диэри…