Хаартыска: Андрей Сорокин, СИА
Бүгүн, балаҕан ыйын 18 күнүгэр, Ил Дархан Айсен Николаев өрөспүүбүлүкэ бырабыыталыстыбатын чилиэннэрин, Ил Дархан уонна өрөспүүбүлүкэ бырабыытыластыбатын дьаһалтатын салайааччыларын кытары пленарнай мунньах ыытта.
Мунньахха өрөспүүбүлүкэҕэ оттукка киирии бэлэмин, таһаҕас тиэйии хаамыытын, тутуу үлэтин түмүгүн, итиэннэ национальнай бырайыактар олоххо киириилэрин көрдүлэр.
Айсен Николаев иһитиннэрбитинэн, Арассыыйа бырабыыталыстыбатын бэрэссэдээтэлин солбуйааччы Марат Хуснуллин салайааччылаах хамыыһыйа эрэгийиэннэр хочуолунайдарын, ол иһигэр Саха сиригэр саҥардан оҥорууга үп көрүллүүтүгэр сөбүлэспит. Уопсайа 12 эрэгийиэн 8 млрд солкуобайы тутуоҕа. Бу үлэҕэ СӨ Бырабыыталыстыбатын бэрэссэдээтэлин бастакы солбуйааччыта Дмитрий Садовников эппиэтинэстээх буолуоҕа.
Итиэннэ Ил Дархан «Энергосбережение и повышение энергетической эффективности в РФ» диэн судаарыстыбыннай бырагыраамаҕа болҕомтону уурда. Бырагыраама сүрүн сыала-соруга — дойду экэниэмикэтин 2035 сылга диэри 35% үрдэтии буолар.
Министиэристибэлэргэ өрөспүүбүлүкэ федеральнай суолталаах бырагыраамаларга кыттыытыгар сибээстээх боппуруостары көрөргө сорудахтаатылар. Манна суол тутуута уонна саҥардан оҥоруу, туристарга модульнай гостиницалары тутуу киирэллэр.
Ону таһынан, мунньахха Дьокуускайга тутуллуохтаах сайыҥҥы училище сирин быһаарарга уонна куорат дьаһалтатын кытары «Звезднай» микро-оройуоҥҥа киирэр суоллар хапытаалынай өрөмүөннэрин боппуруостарын быһаарарга сорудахтаатылар.
Ил Дархан Айсен Николаев Арассыыйа Бэрэсидьиэнин көмөлөһөөччүтэ Николай Патрушев салайан ыыппыт (Морской коллегия) мунньаҕар кыттыыны…
Горнай оройуонугар ДПС иниспиэктэрдэрэ кыһыҥҥы тымныыга массыыната алдьаммыт суоппарга көмөлөстүлэр. Бу туһунан ИДьМ пресс-сулууспата иһитиннэрдэ. …
Эдьигээн оройуонугар суол саахалыгар икки киһи эмсэҕэлээтэ. Бу туһунан Госавтоиниспиэксийэ иһитиннэрдэ. Ахсынньы 22 күнүгэр …
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…