Ил Дархан «Звезднайга» саҥа оскуола тутуутун хаамыытын билистэ

Дьокуускай куоракка «Звёзднай» түөлбэҕэ 990 миэстэлээх оскуола тутулла турар. Тутуу үлэтэ былаан быһыытынан ыытыллар.

Бүгүн Ил Дархан Айсен Николаев оскуола тутуутун хаамыытын көрдө.

—  Оҕолор балаҕан ыйыгар саҥа үөрэх дьылыгар үөрэнэллэрин туһугар тутуу тэтимин ыһыктыбакка ыыталларыгар сорудахтаатым. 

Маны таһынан, «Звезднай» водоузел тутуутун көрдүм. Эбийиэк бэлэм турар, докумуоннарын  толоруу силигэ ситэн эрэр. Водоузелга олохтоох сиргэ оҥоһуллубут оборудование туруоруллубут. 

Тутааччылар ДСК саҥа собуотун матырыйаалыттан тутулла турар бастакы панельнай дьиэ тутуутун хаамыытын отчуоттаатылар. Чугастааҕы кэмҥэ өссө икки саҥа дьиэ тутуллуохтаах, — диэн Ил Дархан МАКС сыһыарыыга ханаалыгар иһитиннэрдэ.