Ил Дархаҥҥа Оһуокай стипендиаттара

Быйыл төрдүс төгүлүн Ил Дархан Оһуокайга стипендиаттарын чиэстээһин сиэрэ-туома СӨ Правительствотын бастакы нүөмэрдээх дьиэтигэр буолла.

Биһиги республикатааҕы Оһуокай түмсүүтүттэн сэттэ киһибит бу үрдүк аакка тигистэ. Кинилэр ортолоругар Дархан этээччилэрбит Үөһээ Бүлүүттэн Сахайта Мойтохонова, Егор Егоров- Үс Дьөгүөр, Сунтаартан Светлана Зедгенидзева, Дьокуускай куораттан Дмитрий Иванов ,Ньурбаттан Тамара Дмитриева, үтүөлээх этээччи Чурапчыттан Валентина Дьячковская, Бүлүүттэн Оһуокай түмсүүтүн салайааччыта Светлана Иванова бааллар. Дархан этээччилэрбит Светлана Зедгенидзева, Сахаайта Мойтохонова, үтүөлээх этээччи Валентина Дьячковская бэйэлэрин этэллэрин таһынан оҕону, ыччаты үөрэтиигэ утумнаахтык дьарыктаналлар. Холобур, Сахаайта Мойтохонова икки сүүстэн тахса үөрэппит үөрэнээччитэ оһуокайынан утумнаахтык дьарыктана сылдьаллар. Наҕараадалааһын инниинэ Ил Дархан Айсен Сергеевич Николаев стипендиаттары эҕэрдэлээтэ уонна норуот айымньытын тарҕатааччыларга махталын биллэрдэ.

Биир үөрүүлээҕэ биһиги түмсүүбүт Дархан этээччитэ Виталий Никифоров уонна Аар Дархан этээччи Семен Черноградскай олоҥхоҕо тигистилэр.
Марта Николаева