Хаартыска: видеоттан скрин
Бүгүн, атырдьах ыйын 19 күнүгэр, «Саха» НКИХ ханаалга уонна «Тэтим» араадьыйаҕа «Ил Дарханныын кэпсэтии» биэрии уочараттаах таһаарыыта тахсыаҕа.
Эпиир киэһэ 20:00 чааска саҕаланыаҕа. Айсен Николаев Өймөкөөн уонна Абый улуустарыгар халаантан эмсэҕэлээбит дьоҥҥо көмө оҥоһуллуутун туһунан кэпсиэҕэ. Өссө биир сүрүн тиэмэ – Арассыыйа Бэрэсидьиэнэ Владимир Путин көҕүлээбит «Олоххо аналлаах инфраструктура» национальнай бырайыак чэрчитинэн суол өрөмүөнүн хаамыыта.
Эрэгийиэн баһылыга Донецкай Норуодунай Өрөспүүбүлүкэтигэр, ол иһигэр Докучаевскай куоратыгар командировкатын сүрүн түмүктэрин таһаарыаҕа. Ураты болҕомто байыаннай дьайыы кыттыылаахтарыгар саҥа кыахтары арыйар, кинилэр уопсастыбаҕа миэстэлэрин булуналларыгар уонна өрөспүүбүлүкэ сайдыытыгар кылааттарын киллэрэллэригэр көмөлөһөр «Саха сирэ – Дьоруойдар сирдэрэ» диэн каадыр бырагырааматын олоххо киллэриигэ ууруллуоҕа. Ону таһынан, биэриигэ ойуур баһаарыттан сэрэхтээх буолуу кэмин аһарыы туһунан кэпсэтии барыаҕа. Быйыл, бүтэһик уон сыл иһигэр аан бастаан, өрөспүүбүлүкэҕэ ойуур баһаардарыттан сылтаан эрэгийиэннээҕи ЫБ эрэсиимин киллэрэр ирдэммэтэ. Ону кытта Саха сиригэр от үлэтин хампаанньатын хаамыыта уонна үүтү бэлэмнээһин былаанын толоруута кэпсэниэ.
«Ил Дарханныын кэпсэтии» биэриигэ 2025 сыллааҕы үөрэххэ киирэр хампаанньа, кэлэн иһэр оттук сезонугар бэлэмнэнии уонна өрөспүүбүлүкэҕэ сыһыаннаах атын сытыы боппуруостар таарыллыахтара.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…