Хаартыска: Ил Түмэн пресс-сулууспата
Бүгүн Бэчээт дьиэтигэр “Сахамедиа” пресс-киинигэр СӨ Судаарыстыбаннай Мунньаҕын (Ил Түмэн) Бэрэссэдээтэлэ Алексей Еремеев 2024 сыл түмүктэрин туһунан суруналыыстарга пресс-кэмпириэнсийэтэ буолла. Манна өрөспүүбүлүкэ уонна куорат сонуннары киэҥник тарҕатар 18 сириэстибэтин үлэһитэ кытыннылар.
Киирии тылыгар Алексей Ильич олоччу кылгастык Ил Түмэн үлэтин сыыппара хараҕынан кэпсээтэ. Ол курдук, 2024 сылга 6 пленарнай мунньах, 10 парламентскай уонна аһаҕас истии, бырабыыталыстыба 24 чааһа, 29 “төгүрүк остуол”, 4 муниципальнай чаас ыытыллыбыт. Бу түмүгэр 288 нуормалыыр–быраап аахтата ылыллыбыт, итинтэн Саха Өрөспүүбүлүкэтин 115 сокуона. “Маны тоҕо этэбин диир буоллахха, бу парламентскай үлэ сүрүн көрүҥнэринэн буолаллар”, — диэтэ Алексей Еремеев.
Итинник билиһиннэрии кэнниттэн араас ыйытыыларга хоруйдаата, ону хоруйдарын дьиҥ олоххо сыһыаран, холобурдаан эппиэттээтэ.
Ил Түмэн Бэрэссэдээтэлэ тыа хаһаайыстыбатыгар улахан болҕомтотун уурарын биллибит. Ол курдук, бу сыл сэтинньи 27 күнүгэр “Саха Өрөспүүбүлүкэтин муниципальнай оройуоннарын уонна куораттааҕы уокуруктарын олохтоох салайыныы уорганнарыгар тыа хаһаайыстыбатын оҥорон таһаарыытын өйөөһүҥҥэ сорох судаарыстыбаннай боломуочуйалары биэрэр туһунан” Саха Өрөспүүбүлүкэтин сокуонугар уларытыылары киллэрэр туһунан” СӨ сокуона ылыныллыбыт. “Онон кэлэр сылтан муниципальнай оройуоннар дьаһалталара улууска аграрнай оҥорон таһаарыы уратытын учуоттаан, тыа хаһаайыстыбатын сайдыытын бэлиитикэтин бэйэлэрэ быһаарар буолуохтара”, — диэн эттэ. Быһата, өйөбүл мэхэньииһимэ уларыйда, 15 хайысханан боломуочуйа бэриллиэҕэ.
Бэрэссэдээтэл Алексей Еремеев тыа сиригэр үгүстүк сылдьыбытын, ол сырыыларыгар сорохтор субсидияны үүккэ биэрэллэрэ ордугун, сорохтор сүөһү төбөтүгэр биэрэллэрэ наадатын курдук Бүлүү умнаһынааҕы, киин, Илин эҥэр оройуоннарга араас санаа баарын эттэ. Онон тыа хаһаайыстыбатын сайыннарар туһуттан муниципалитеттар бэйэлэрэ быһаардыннар диэн санааҕа кэлбиттэр.
Мэҥэ Хаҥалас улууһуттан хаһыат эрэдээктэрэ Алена Докторова улуус баһылыгын отчуотун кэмигэр тыа хаһаайыстыбатын боппуруостара үгүстүк турбутун бэлиэтээтэ.
— Тыа хаһаайыстыбата болҕомто киинигэр туруоҕа. Тыа хаһаайыстыбатын сайыннарбатахпытына, тыа сирин, саамай үлэһит көлүөнэни, экологическай өттүнэн ыраас аһы-үөлү сүтэриэхпит, — диэтэ Алексей Ильич.
Саха сирин курдук тыйыс тымныылаах, уустук усулуобуйалаах дойдуга хомунаалынай хаһаайыстыба үлэтиттэн олохпут-дьаһахпыт улахан тутулуктаах. Урукку улахан саахаллар түмүктэригэр, аны маннык хатыламматын диэн, холобура, “СӨ ОДьКХ” ГУП тэриллэн, Саха сирин үгүс оройуоннарын сылааһынан хааччыйар. Ол эрээри Ил Түмэн Бэрэссэдээтэлэ Нам улууһа бэйэтэ туспа тэрилтэ тэринэн, 1,5 млрд солк. кэмчилээһини таһаарбытын холобурдаата. “СӨ ОДьКХ” ГУП, кырдьык, уустук усулуобуйалаах Арктика улуустарын көрүөн сөп диэтэ. Арааһа, инникитин Нам улууһун хомунаалынай хаһаайыстыбатын уопутун туһаныыһыктар быһыылаах.
Ил Түмэн Бэрэссэдээтэлэ биир ситиһиинэн Дойду Бэрэсидьиэнин “Ыам ыйынааҕы ыйааҕар” киирбэтэх үлэһиттэр категорияларгыар хамнаһы үрдэтиини бэлиэтээтэ.
Маны сэргэ “АЛРОСА” аахсыйалаах хампаанньатыгар өрөспүүбүлүкэ интэриэһин туһунан сокуоҥҥа уларытыы киллэрбиттэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…