Хаартыска: Яна Байгожаева тиксэриитэ.
Ил Түмэн дьокутаата Виктор Лебедев көҕүлээһининэн кулун тутар 27 күнүгэр Томпо улууһун кытыы нэһилиэгэр Тополинайга быраастар десана үлэлээтэ.
Бу туһунан Яна Байгожаева маннык иһитиннэрдэ:
— Эмчиттэр биригээдэлэригэр састаабыгар өрөспүүбүлүкэҕэ биир саамай бастыҥ мэдиссиинэ тэрилтэттэн — М.Е.Николаев аатынан 1 №-дээх өрөспүүбүлүкэтээҕи балыыһаттан аҕыс үрдүк таһымнаах исписэлиис: кардиолог, невролог, УЗИ-быраастар, функциональнай диагностика быраастара уонна сиэстэрэлэр сырыттылар.
— Киин куораттан кэлбит эмчиттэр дьоҥҥо сүбэ-ама биэрдилэр. Быраастар маннык десаны тэрийэн, ыраах сытар нэһилиэктэргэ хаачыстыбалаах мэдиссиинэ көрүүтүн, истиитин оҥороллор. Сүрэх-тымыр ыарыыларын эрдэттэн сэрэтэргэ уонна быһаарарга көмөлөһөллөр, — диэн Тополинай амбулаториятын сэбиэдиссэйэ Наталья Валаресо бэлиэтээтэ. “Быраастар саас саамай тоҕоостоох кэмҥэ кэллилэр. Сотору табаһыттар ыстаадаларыгар бараллар. Онон доруобуйаларын туругун санаатахтарын аайы кыайан көрдөрөр, бэрэбиэркэлэтэр кыахтара суох. Куоракка да буолуохтааҕар, улуус киинигэр да тиийэр кыахтара, бокуойдара суох. Онон бу маннык миэстэтигэр кэлэн көрөллөрө-истэллэрэ олус бэрт», — диэн нэһилиэк олохтооҕо Евдокия Дягилева санаатын үллэһиннэ.
«Дьокуускайтан 700 км ыраах сиргэ хаачыстыбалаах мэдиссиинэ көмөтүн туһаныы – дьылҕа бэлэҕэ. Биһиги биир дойдулаахпытыгар Виктор Лебедевкэ өйөбүлүн иһин барҕа махталбытын тиэрдэбит”, — диэн нэһилиэк олохтооҕо Раиса Погодаева махталын тиэртэ.
Томпо уонна Таатта улуустарын олохтоохторо маны таһынан, Виктор Лебедев көҕүлээһининэн уонна үбүнэн-харчынан өйөбүлүнэн М.К. Аммосов аатынан Хотугулуу-Илиҥҥи федеральнай университет преподавателлэрэ оскуола оҕолорун ОГЭ-ҕэ уонна ЕГЭ-ҕэ бэлэмнииллэр. Быйыл преподавателлэр математикаҕа, физикаҕа, нуучча тылыгар уонна обществознаниеҕа кэлэн консультациялары биэрэллэрэ былааҥҥа баар.
Харах мөлтөөһүнүн эрдэттэн сэрэтиэххэ сөп диэн бэлиэтииллэр. Саха ыалын халандаарыгар (2007 с.) бу туһунан маннык…
Улуустарга байыастар дьиэлэрин киин ититэр ситимҥэ холбооһун үлэтэ салҕанар. 2025 сылга 45 дьиэни холбуур былааннаахтар.…
Бүгүн, муус устар 1 күнүгэр, Көр-күлүү, дьээбэ күнүнэн сибээстээн, саха киинэтин режиссердара СӨ үтүөлээх артыыһа…
Бэрэсидьиэн Владимир Путин муус устар 1 күнүттэн от ыйын 15 күнүгэр диэри байыаннай сулууспаҕа сааскы…
Күн бүгүн "Манчаары оонньууларын" финальнай чааһыгар 774 путевка оонньонно. Остуол оонньууларыгар, хотугу многоборьеҕа, национальнай многоборьеҕа,…
Бүгүн “Кыайыыны истиэххэ” аахсыйа көмөтүнэн Арассыыйа хайа баҕарар олохтооҕо номоххо киирбит, аҥардас куолаһыттан этиҥ сааһа…